Zer berme eskaintzen dizkit UPV/EHUk prestakuntza dualean (EHUduala)?

EHUduala ereduaren irizpideak betetzen dituzten titulazioak eta, ikasketa ofizialen kasuan, 822/2021 Errege Dekretuak ezarritakoak.

Prestakuntza proiektu komunak erakunde kolaboratzaileekin, Ikas-ekinezko Prestakuntzarako Prestakuntza Kontratuaren erabilera sustatu eta lehenesten dutenak, horretarako ezarritako gutxieneko helburuekin.

Lan esparru malgua, EHUduala prestakuntza Lankidetza Hitzarmen espezifikoen bidez egin daitekeen egoera jakin batzuetarako. Hitzarmenak fase iragankorretan erabiltzen dira bereziki, irakaskuntza ofizialek (proiektu pilotuek) 822/2021 Errege Dekretuan jasotako aipamen duala lortu arte, bai eta prestakuntza dual eta txandakako proiektuetan ere, etengabeko prestakuntzako masterretan.

Erakundearekiko komunak izanik ikasle bakoitzarentzat indibidualizatuta dauden prestakuntza proiektuak. Ezinbestekoa da espezifikoki trebatutako eta EHUduala ereduaren tutoretza irizpideen arabera diharduten tutoreen inplikazioa.

EHUduala prestakuntzaren ziurtagiria:

• Prestakuntza EHUduala ereduak ezarritako baldintzetan burutuko duten ikasleek EHUduala aitortza jasoko dute.

• Gainera, Ikas-ekinezko Prestakuntzarako Prestakuntza Kontratu batekin arituko diren ikasleek 822/2021 Errege Dekretuaren 22. artikuluan araututako aipamen duala lortuko dute. Nabarmentzekoa da Unibertsitate Sistemari buruzko martxoaren 22ko 2/2023 Lege Organikoaren hamargarren xedapen iragankorrak epe iragankor bat ezartzen duela, 2026-2027 ikasturtera arte, lege hori indarrean sartzean aipamen duala zuten titulazioentzat, erakunde kolaboratzailean eginiko prestakuntza jarduera egokitzeko Ikas-ekinezko Prestakuntzarako Prestakuntza Kontratuaren eredura. Hori dela-eta, aldi horretan, aipamen duala jasoko dute aipatutakoa betetzen duten titulazioetan prestakuntza duala egingo duten ikasle guztiek.