Masterraren gakoak
Itun Berdearen estrategiek eta jarduerek Europa neutraltasun klimatikora eraman nahi dute 2050ean. Horretarako, eraikuntzaren eta azpiegituren sektorean aldaketa bultzatzeko gaitasuna duten teknikariak behar dira.
Masterraren programak honako trebetasun eta ezagutzak eskaintzen dizkizu:
- Ingeniaritzako baliabideen erabilerari buruzko ikuspegi zirkularra izatea, materialak eta horien birziklapena bereziki azpimarratuz (bizi-zikloaren analisia, ingeniaritza zirkularra, urban mining-a eta abar).
- Iraunkortasun-irizpideak txertatzea, bai proiektuen kudeaketan, bai enpresa-kudeaketan, ikuspegi integrala eta arduratsua ziurtatuz.
- Energia-baliabideen kudeaketa optimizatzea; energia aurrezpenaren kudeaketa, energia berriztagarrien integrazioa eraikuntzan, birgaitze energetikoa eta eraikinen kalifikazio eta ziurtapen energetikorako tresnak ezagutu eta inplementatuz.
- Azpiegituren iraunkortasuna hobetzea, haien diseinuan edo bizitza baliagarrian esku hartuz: zoladura jasangarriak erabiliz, uraren zikloaren kudeaketa optimizatuz, sentsoreak erabiliz eta azpiegiturak digitalizatuz, Adimen Artifizialaren bidez.
Masterrak Aipamen Duala egiteko aukera ematen du.