nireEHU 
Masterraren gakoak
Derrigorrezko Bigarren Hezkuntzako eta Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza Unibertsitate Masterraren zortzi espezialitateetako bat da. Gainerako espezialitateak ez bezala, espezializazio hau ez da didaktikoa eta ikastetxe eta institutuetako orientazio sailetan orientazio psikopedagogikoa, hezkuntza orientazioa, orientazio akademikoa eta lanbide orientazioa ematen profesional gisa jarduteko gaitasunak eskuratzera bideratuta dago.
Espezialitate honek berezko lerroa dauka; hau da, dituen hiru moduluen bidez (orokorra, espezifikoa eta practicuma) osoko prestakuntza espezifikoa eskaintzen du.