Joan den maiatzaren 8-10ean, SEDCYDO-SEGER-SEMOren Nazioarteko 1. Bilera egin zen Madrilen.

Espainiako Kraneomandibular Disfuntzioko eta Aho-Aurpegiko Mina, Gerodontologia eta Ahozko Medikuntzako Elkarteek antolatutako baterako ekitaldi horren barruan, Aminetou Bouya Baely Odontologia Graduko bosgarren mailako ikasleak komunikazio onenaren saria jaso zuen, SEMO Gaztea atalean.

Bere komunikazioaren izenburua hau izan zen: Lesio papular anitzak. Cowden sindromearen ahozko adierazpenak. Komunikazio horretan, Cowden sindromearen diagnostikoa aurkitu zitzaion paziente bati kasua aurkeztu zuen, miaketa odontologiko batean ahozko mukosan ikusitako lesioen bidez. Horrek agerian uzten du odontologiak pazientearen testuinguru mediko orokorraren barruan duen garrantzia. Nabarmentzekoa da diagnostiko eta maneiu klinikoaren prozesua Odontologia Klinikako Zerbitzuaren praktika klinikoen barruan egin zela.

Lan honen zuzendariak Estomatologia Saileko José López Vicente eta Javier Alberdi Navarro irakasleak izan dira.