“EmantzipAkzioa: beste mundu posible batzuetarako teoria eta praktika kritikoak” ikastaroa Hegoak 2019an eta 2020an gauzatutako “Garapenari buruzko Pentsamendu Kritikoak: teoriak, ikuspegiak eta esperientziak” proiektuaren barruan kokatzen da.

Ikastaro horren bidez, proiektu horren esparruan sortutako ikaskuntzak zabaldu nahi dira, garapenari dagokionez kritikoak diren hiru ikuspegiren inguruan: postgarapena eta beste aukera praktiko batzuk; bestelako feminismoak eta bizitzaren iraunkortasuna; iraunkortasun ekologikoa.

Gizarte eraldaketaren esparruan interesa duten UPV/EHUko eta beste unibertsitate batzuetako graduko eta graduondoko ikasleei zuzenduta dago ikastaroa, bai eta GGKE-etako eta/edo gizarte mugimenduetako kideei ere. Modu birtualean egingo da, UPV/EHUren egelaPI plataforman. Edukiak ikuspegi teoriko-praktikotik landuko dira, 4 modulu hauetan banatuta:

• 1. modulua: Garapenari buruzko diskurtsoen azterketa kritikoa
• 2. modulua: Postgarapena eta dekolonialitatea
• 3. modulua: Bestelako feminismoak eta bizitzaren iraunkortasuna
• 4. modulua: Iraunkortasun ekologikoa

Online ikastaroaren ezaugarrien laburpena:

• Parte-hartzaile kopurua: 40 lagun (20 euskaraz eta 20 gaztelaniaz)
• Online prestakuntzaren iraupena: 8 aste (2021/02/15etik 2021/04/11ra)
• Dedikazioa guztira: 50 ordu (2 ECTS kreditu)
• Hizkuntza: euskara eta gaztelania

Informazio gehiago

• Edozein zalantza izanez gero:
  • yenifer_garcía@ehu.eus
  • 946 013 894 / 664 404 113
• Izen ematea doakoa
• Plaza mugatuak Izena emateko azken eguna: urtarrilak 31
• Izena emateko inprimakia