Deskribapena

Asteartea, apirilak 8, 17.00etan, UPV/EHUko Zuzenbide Fakultateko Gradu Aretoan, Donostian, Ingmar Bergmanek zuzendutako eta Max von Sydow, Liv Ullman eta Erland Josephson protagonista dituen 'Vargtimmen' (1967, Suedia) filma proiektatuko da, UPV/EHUko Gipuzkoako Campuseko Kultur Hedakuntzak antolatu duen 'Where is my mind?' zinema aldiaren baitan.

Laburpena: Uharte batean Borg familia bizi da: Johan margolaria eta bere emaztea Alma. Euren auzokoek, von Merkendar maltzurrek, hain lagun beldurgarriak dituzte, non Johani demonioak direlako obsesioa pizten hasi zaion.

Sarrera librea da.