Deskribapena

Aurten oinarrizko fisikan mundu mailako ikerketa zentrorik handienak, CERNek, 60garren urteurrena betetzen du. DIPCk behar bezala ospatu nahi du eta ohiz kanpoko hiru gonbidatu bilduko ditu herritar guztiei irekitako bi hitzalditan:

CERN-en 60 URTE: FISIKA TEORIKOA ETA ESPERIMENTU HANDIAK"

Urriaren 14ean. Kutxa Andia Hitzaldia Aretoan, 19:30h

Ekitaldiak bi hizlari izango ditu eta Pedro Miguel Etxenike, DIPCko presidenteak zuzendutako mahai inguru batek itxiko du.

MANUEL AGUILAR BENÍTEZ DE LUGO

Espainiako Matematika, Fisika eta Natur Zientzien Akademia Errealeko kidea, CIEMATeko ikerlaria eta CERNeko Kontseiluko presidenteorde ohia

Konferentzia honetan CERN-en helburu eta ezaugarriak azalduko dira laburki. Aurkikuntza zientifiko nagusien artean, korronte ahul neutroa (1973), interakzio elektroahularen agente hedatzaileak W± y Z0 (1983) eta Brout-Englert-Higgs (H)-en bosoia (2012) nabarmentzen dira. Aurrerapen teknologiko esanguratsuen artean, kamara multi-haridunak (1967) eta World Wide Web-a (WWW) (1989) azpimarratzekoak dira.

LUIS ALVAREZ GAUMÉ

CERNeko Fisika Teoriko taldeko zuzendariordea

Gutxik dakite Niels Bohr handia izan zela CERNeko lehenengo zuzendaria. Kopenhagueko Bohr institututik egiten zuen lan garai hartan, fisika teorikoko ikerlari talde bakarrarekin. Hasiera hasieratik, bere helburua Energia Altuetako Fisikaz eta hari lotutako gaiez arduratuko zen europako bikaintasun zentroa sortzea izan zen. Hitzaldi honetan, CERNen burututako ikerketa teorikoen alderdi nabarmenenak aurkeztuko dira.

"MUNDU TALKAK - ARTEA ETA ZIENTZIA ELKAR JOZ"

Urriaren 15ean. San Telmo Museoan, 19:30h

ARIANE KOEK

Arts@CERN egitarauaren zuzendaria

Ariane Koek-en hitzaldia DIPCk bultzatutako "Mestizajes" egitarauaren esparruan kokatzen da.

CERN, partikulen talkak ikertzeagatik da ezaguna. Zertara dator orduan CERN-ek lehen arte egitarau ofiziala martxan jartzea eta zertan datza? Zergatik saiatu beharko luke horrelako erakunde batek artea eta zientziaren arteko talkak eragiten? Nola kokatzen da arte egitarau hori zientzia eta teknologiaren berezkoa inguruan?