Deskribapena

Azpimarratzekoak dira Madeleine aroko bi hagaxka,14.000 urtetatik gorakoak

Asteazkenean, azaroak 5, 11.00etan Gipuzkoako foru diputazioaren jauregiko prentsa aretoan, prentsaurrekoa egingo da 2014an egindako arkeologi indusketen balantzea egitearren.

Uda honetako indusketa kanpainan egindako aurkikuntzen artean, esanguratsua da Madeleine aroko erdialdeko hezur zatien lotea (14.000 urtetako antzinatasunekoak), Azpeitian, Ezkuztako haitzuloan kausitutakoak. Bestelako elementuen artean, bi hagaxka oso dira azpimarratzekoak, grabatu sakonekin apainduta, bat datozenak Nafarroa Beheko aztarnategi batean, Isturitzen agertu eta bertako pieza esanguratsuen diren hagaxken kultur tradizioarekin. Aparteko kalitatea duten bi haga dira, bakarrak Iberiar penintsula osoan; horrek agerian uzten du garai hartako bizilagunek  bazutela harreman zuzena Iparraldekoekin.

Pieza horiek ikusgai jarriko dira prentsaurrekoan.

Parte hartzaileak:

• Ikerne Badiola, Kultura, Gazteria eta Kiroleko diputatua.
• Eneko Etxeberria, Azpeitiko alkatea.
• Maria Jose Iriarte Chiapusso, UPV/EHUko Geografia, Historiaurrea eta Arkeologia saileko irakaslea, Ikerbasqueko Historiaurrea Ikerkuntza taldeko ikertzailea eta Arantzadi Zientzia elkarteko kidea.