Deskribapena

Gaur, ostirala, apirilak 24, EHUko Gipuzkoako Campusak Bizkaiaren EHUP! Jaiaren lekukoa hartuko du. Gipuzkoako Campuseko Unamuno plaza, Donostian, izango da aurten gizarteari zabalduko zaion jai handiaren epizentroa. Hiru txosna jarriko dira plazako hainbat puntutan eta stand bat ere egongo da, non zapiak, kamisetak eta edalontziak erosi ahal izango diren.

EHUabesbatzaren irekieraren ondoren, 12:00etan, EHUP! Jaia txupinazoarekin hasiko da, Informatika Fakultateko eta Gipuzkoako Campuseko errugbi taldeko ordezkarien eskutik.Txupinazoak hasiera emango dio 22:00etan amaituko den jaiari.

Txupinazoaren ondoren, Ondoezik Elektro Txarangaren doinuak landan zehar ibiliko dira. Mahai-teniseko eta herri kiroletako txapelketak egingo dira, eta horma-irudi kolektibo bat egingo da parte hartu nahi duten guztien artean. 13:30ean indarrak hartu eta Unibazkarian bazkaltzeko unea izango da. Mahaiak egongo dira, bertaratzen direnek etxetik ekarritako jakiak eta jaietako postuetan edo campuseko kafetegietan erosten dutena jateko aukera izan dezaten. Indarrak berreskuratu ondoren, Musika Bingo bat egingo da Alexander Padillaren eskutik, "San Bingo musikala", bingo eta karaokea garai guztietako abestiekin lotzen dituena, ondoren Brillet musika taldearen kontzertuarekin, mus txapelketarekin eta Iratzar Erromeriaren kontzertuarekin jarraitzeko. Azkenik, Fresa Morango DJen emanaldia izango da amaiera borobila.