Deskribapena

Katastroaren Legearen Erreformaren testuinguruan, Vitoria-Gasteizko Ingeniaritzako Unibertsitate Eskolak eta Euskadiko Topografia Ingeniaritza Teknikoko Elkargoak ‘Katastroa, Geomatika eta Jabegoa' jardunaldia antolatu dute, datorren apirilaren 17an, unibertsitate ikastegiko ekitaldi aretoan.

Jardunaldiak Euskal Katastroaren, Jabegoaren Erroldaren eta Geomatikaren profesionalen topagune izan nahi du. Hizlariek Higiezinaren salerosketan duten funtzioa azalduko digute, eta Katastro Lege berriaren ikuspuntua eskainiko digute, zeinek bere arlotik. Sarrera askea eta dohainekoa da, aurre inskripzioa eginda.