Deskribapena

Osteguna, azaroaren 19an, 13:30etan, UPV/EHUko Carlos Santamaría Zentroko auditoriumean, Donostian, emango da V Premio de Investigación Victimológica "Antonio Beristain" saria. Jarduera Antonio Beristain irakaslearen omenezko V. Topaketaren baitan antolatu dute.

Edizio honetan ex aequo izan dira saridunak:

• Alba Abella Uyarra. Psikologian lizentziaduna da (Madrilgo Complutense Unibertsitatea) eta Victimología, Atención Psicológica a Víctimas masterra egin zuen unibertsitate hartan bertan. Bada, egin duen lanagatik eman diote saria: ‘Dos investigaciones sobre la victimización terrorista: sistematización de testimonios y estudio de caso único'
• Mirella Company Alcañiz. Valentziako Unibertsitateko Derechos Humanos, Democracia y Justicia Internacional arloko doktoregaia da, eta honako lan honengatik emango diote saria: ‘El estigma de las Fuerzas y Cuerpos de Seguridad víctimas del terrorismo en su victimización'

Ekitaldian parte hartuko dute: Adolfo Morais, Eusko Jaurlaritzako Unibertsitate eta Ikerketa sailburuordea; Jose Luis de la Cuesta, Kriminologiaren Euskal Institutuko zuzendaria; Julio Andres Sanpedro, Universidad Javerianako Zientzia Juridikoen Fakultateko dekanoa (Bogota, Kolonbia); eta, Virginia Mayordomo, ‘Antonio Beristain' katedraren zuzendaria.