Deskribapena

Maiatzaren 20an, ostirala, 16:00 eta 19:00 bitartean, Bizkaia Aretoko Lauaxeta gelan (Abandoibarra etorbidea 3, Bilbo), EHUgune mintegia ospatuko da, Ongi etorri: migratzea ez da delitua jardunaldien baitan.

EHUgune UPV/EHUren eta gizartearen arteko topagune bat da, garrantzitsu eta estrategikotzat jotzen diren arazo sozial, kultural, ekonomiko eta politikoak jorratzeko asmoa duena. Problematika horiek elkarrekin aztertu ohi dira, diagnosiak eta proposamenak elkarbanatzeko eta praktika eta ikuspegi kritiko, diskurtsibo eta kontrastatua ekartzeko helburuarekin.

Mintegi honen bidez, unibertsitate-komunitateko eragileen eta gizartearen arteko artikulazio-espazioari jarraipena eman nahi zaio, gerraren eta behartutako lekualdatzeen gaia lantzeko.