Deskribapena

Jatorrizko Ikimilikiliklik-ekin elkarrizketan sorturiko ikuskizuna. Duela 50 urte, Mikel Laboa eta Artze Anaiak abangoardiaren esperimentazioaren bidean murgildu ziren eta IKIMILIKILIKLIK izeneko sentikaria plazaratu zuten. Ikuskizun harrigarri eta berritzaile honek diziplina anitz uztartu zituen: Laboaren lehen kantak, Artzeren poesia, ikus-entzunezkoak, Zumetaren artea… baita txalapartaren erabilera berri bat.

Sormen honekin Veneziako Bienalera bidaiatu zuten eta nazioarteko onespena jaso zuten. Bost hamarkadaren buruan, Loraldiak garai hartako esperimentazio joera bereganatuko du eta ikuskari berri bat aurkeztuko du. XXI. mendeko Ikimilikiliklik.

IZENA EMATEA beharrezkoa da gonbidapena lortzeko. Epea abenduaren 20ra arte.