Espainiako Gobernuko Unibertsitateen idazkari nagusi José Manuel Pingarrónek Euskal Herriko Unibertsitatea bisitatu du, Unibertsitate Sistemaren Lege Organikoaren proiektuaren ildo nagusiak azaltzeko eta euskal unibertsitate publikoko hainbat kolektiboren ekarpenak jasotzeko. Bilera Bizkaia Aretoan egin da, eta Eva Ferreira errektorea bertan izan da. Goiz osoan zehar, idazkari nagusiak luze eta zabal jardun du unibertsitateko hainbat kolektiboren ordezkariekin (ikasleak, sindikatuak, zuzendaritza-karguak, irakasleak eta ikertzaileak, administrazioko eta zerbitzuetako langileak), eta haien iradokizunak, proposamenak eta ekarpenak jaso ditu, lege-proiektuan edo lege-proiektuaren ondorengo erregelamendu-garapenean integratu ahal izateko.