Kontrol Ingeniaritza, Automatizazioa eta Robotika Doktoregoa

Doktorego programa honen helburua da prestakuntza aurreratua ematea Kontrol Ingeniaritza, Automatizazio eta Robotikaren arloko etorkizuneko ikertzaileei. Zehazki, ikerketa ildoak askotariko gaiekin lotuta daude, hainbat behar betetzeko, adibidez: energia berriztagarriekin, 4.0 industria edo etorkizuneko fabrikarekin, eta kontrol adimendunarekin. Zeharkako diziplina denez, askotariko esparruetan aplika daiteke. Kontrol sistemak era guztietako gailuetan daude txertatuta: hegazkinen norabidea kontrolatzeko sisteman; kateko fabrikazio, mihiztatze eta ekoizpeneko sistemetan; sistema biomedikoetan; energia berriztagarria ekoizteko sistemetan, eta sistema robotikoetan, besteak beste. Modu gardenean, denbora errealean funtzionamendu egonkor, zehatz eta segurua ematea du helburu. Horretarako, prestazio maila handiko zerbitzuak eskaintzen ditu eta, azken finean, onura, ikuspegi askotatik begiratuta: energia aurrezpena, garapen jasangarria, kutsadura mugatua eta sendotasuna.