Aurkezpena

eCampus EHUko Campus Birtuala da, eta Unibertsitateko irakaskuntza, ikaskuntza, prestakuntza, ikerketa eta kudeaketa akademikorako plataforma digitalak kudeatu, garatu eta haiei laguntza ematen dien zerbitzu instituzionala ere bada.

Ingurune digital horien bidez, eCampusek irakaskuntza- eta prestakuntza-jarduerak garatzea errazten du, irakasleei laguntza espezializatua eskaintzen die eta hezkuntza-berrikuntzan nahiz prozesu akademikoen hobekuntzan laguntzen du.

eCampuseko plataformek unibertsitate-jardueraren hainbat esparruri ematen diete laguntza:

• Prestakuntza arautua, ikasketa ofizialetarako ingurune birtualen bidez.
• Etengabeko prestakuntza, ikaskuntzara eta garapen profesionalera bideratutako plataformen bidez.
• Irakaskuntzarako laguntza, irakasleei prestakuntza-jarduerak sortu, antolatu eta ebaluatzeko tresnak eta baliabideak eskainiz.
• Kudeaketa akademikoa, prestakuntza-jarduerarekin lotutako prozesuak antolatu eta garatzea erraztuz.
• Hezkuntza-berrikuntza, tresna, funtzionalitate eta metodologia digitalak txertatuz eta hobetuz.
• Ikerketa eta lankidetza akademikoa, lankidetza, sare akademikoetan parte hartzea eta ezagutzaren transferentzia sustatuz.

eCampusek kudeatzen dituen plataforma nagusien artean eGela, eGelaPI eta EHUon daude. Plataforma horien bidez, unibertsitate-komunitatearen irakaskuntza-, ikaskuntza- eta prestakuntza-beharrei erantzuten zaie.