Euskal Herriko Unibertsitatea Euskal Herriko Unibertsitatea

Breadcrumb

Polimedia Aretoa

Polimedia Aretoa

EHUko Polimedia gelak ikus-entzunezkoak grabatzeko eta ekoizteko zerbitzua eskaintzen du, unibertsitateko jarduera akademiko eta instituzionaletarako.

Ideiak eta proiektuak ikus-entzunezko eduki bihurtzeko gunea, irakaskuntza laguntzeko, dibulgazio zientifikoa sustatzeko eta ezagutza zabaltzeko.

Erabilera nagusiak:

Aurkezpen instituzionala: errektoreordetzen, ikastegien, institutuen, titulazioen eta unibertsitateko beste ekimen batzuen inguruko bideoak sortzeko.
Zerbitzuen zabalkundea: unibertsitateak eskaintzen dituen zerbitzuei buruzko informazio-bideoak egiteko.
Dibulgazio zientifikoa: ikerketa-taldeak, proiektuak, argitalpenak eta ikerketaren emaitzak ezagutarazteko ikus-entzunezko edukiak ekoizteko.

Aplikazio habiaratuak

Polimedia Gela 1

Polimedia Gela 2

Polimedia gela erabiltzeko eskaera

Polimedia Aretoa

Ekipamendua eta laguntza teknikoa

Polimedia gelak ikus-entzunezkoak grabatzeko ingurune espezializatua du, kroma teknologiaz (Chroma Key) hornitua. Teknologia horri esker, benetako hondoa digitalki ordeztu daiteke, eta hizlariaren irudia aurkezpenekin, grafikoekin, eskemekin eta bestelako ikusizko baliabideekin konbinatu.

Horrez gain, teleprompterra eta grabazioan zehar testuaren aurrerapena kontrolatzeko pedala ditu, azalpen arina eta naturala errazteko.

Talde teknikoak laguntza eta aholkularitza eskaintzen ditu bideoak prestatu eta grabatzeko prozesuan, edukien antolaketan eta ikusizko materialen egokitzapenean barne.

Grabaziorako gomendioak

Grabazioa errazteko eta kalitatezko ikus-entzunezko emaitza lortzeko, honako gomendio hauek kontuan hartzea komeni da.

Aurkezpenak prestatzea

PowerPoint, Impress, Keynote edo antzeko tresnekin egindako aurkezpenak erabiliko badira, garrantzitsua da haien diseinua egokitzea, bideoan behar bezala ikus daitezen:

  • Diapositibak formatu panoramikoan (16:9) prestatzea.
  • Testu laburrak eta irakurketa errazteko behar bezain letra-tamaina handiak erabiltzea.
  • Kalitate oneko irudiak, grafikoak eta eskemak erabiltzea, elementu txikiegiak edo bereizteko zailak direnak saihestuz.
  • Diseinu argia eta ordenatua mantentzea, diapositibak gehiegizko informazioz bete gabe.

Gidoia prestatzea

Teleprompterrean irakurketa errazteko eta hizlariaren jarduna ikusizko materialekin koordinatzeko, honako hau gomendatzen da:

  • Esaldi argi eta laburrak idaztea, azalpen naturala errazteko.
  • Testua paragrafo laburretan antolatzea, irakurketa eta jarraipena errazteko.
  • Gidoian diapositiba-aldaketak adierazten dituzten markak sartzea, aurkezpenean noiz aurrera egin behar den erraz identifikatzeko.

Janzkera eta itxura pertsonala

Gelak hondo berdeko kroma sistema erabiltzen duenez, garrantzitsua da arropa eta osagarriak arretaz aukeratzea:

  • Arropa berdea edo antzeko tonuetakoa saihestea, hondoarekin nahas baitaiteke eta iruditik partzialki edo erabat desager baitaiteke.
  • Kromaren berdearekin kontrastea egiten duten kolore bakarreko jantziak aukeratzea, ahal dela.
  • Estanpatu txikiak, marra finak, ehun distiratsuak eta argia islatzen duten osagarriak saihestea, grabazioan nahi ez diren ikusizko efektuak sor baititzakete.
  • Paparreko mikrofonoa jartzea zailtzen duten jantziak edo osagarriak saihestea.