Ongi etorri UPV/EHUko Ekonomia eta Enpresa Fakultatera
Hemen aurkituko duzu irakats eskaintzari (graduak, gradu bikoitzak eta graduondokoak), ikerketari, zerbitzuei, gizartearekiko harremanei eta GJHei buruzko informazio zabala.
Ekonomia Sozial eta Solidarioko master ofizialaren ikasturte berriaren irekiera ekitaldia
Lehenengo argitaratze data: 2025/10/15
Aurten Irailaren 29an ospatu genuen Ekonomia Sozial eta Solidarioko master ofizialaren ikasturte berriaren irekiera Fakultateko Ekitaldi Aretoan.
XIII. edizioko ikasle berrien aurrean urtero bezala sarrera hitzaldia antolatu zen, hitz hartze instituzionalen ondoren. Lehen zati honetan Aitziber Etxezarreta GEZKI Institutuko zuzendariak, Ana Beraza Fakultateko dekanaordeak eta Jokin Diaz Eusko Jaurlaritzako Gizarte Ekonomiako zuzendariak hartu zuten hitza, ikasleei ongi etorria emateaz batera, ikasturte oparoa opa zieten. Bigarren zatian, ESSko hiru esperientziaren ahotik –Goiener, Zabalduz eta ASLE erakundeak- sektoreak egun gehien behar dituen profil profesionalei buruzko hitzaldia izan zen, bereziki azpimarratuz gehien baloratzen diren gaitasun eta konpetentziak. Ekitaldiari itxiera emateko urteroko luntxa eskaini zen Fakultateko kafetegian.