a) UPV/EHUko maila guztietan, gestio sistemen eta talde lanaren arloan aholku ematea eta sistema horiek definitu eta ezartzeko laguntza ematea; horretarako, gestioarekin, ebaluazioarekin, akreditazioarekin eta kalitatearen hobekuntzarekin zerikusia daukaten beste arlo batzuekin lotutako prozesuak bultzatuz.

b) Ikastegietako eta zerbitzuetako gestioa eta hobekuntza taldeen lana erraztuko duten prestakuntza eta tresnak eskaintzea.

c) Programak eta helburuak betetzeko xedez, zerbitzuetako kideen artean lana banatzea, kontuan izanda lan kategoriari jarraituz bakoitzari dagozkion eginkizunak.

d) Berrikuntza, Gizarte Konpromisoa eta Kulturgintzako Errektoreordetzarekin batera, zerbitzuetako jarduera programak osatzea.
e) Lankidetzan arituta, erreferentziako kalitate agentzien programak gure unibertsitatean garatzea.