Praktikak enpresetan

Ikasleak Graduko ikasketak osatzeko borondatezko praktikak egin ditzake enpresa batean. Borondatezko praktikak egiteko gutxienez 120 kreditu eginak behar ditu. Ikasleak baldintza hori betetzen duenean uneko praktika eskaintza ikusi ahal izango du GAURen (borondatezko praktikak, praktiges modulua). Bertan, enpresen zerrenda eta enpresa bakoitzak eskainitako praktikak ikusi ahal izango ditu.

UPV/EHUko arautegiari jarraiki eta Fakultate Batzarraren erabakiz, praktikak ez dira 450 ordutatik gorakoak izango akademi ikasturte bakoitzeko (ikasturtea irailaren 1ean hasi eta hurrengo urteko abuztuaren 31an amaitzen da).

Praktika bat adostu edo hitzartu eta gero, ikasleak GAURetik hitzarmenaren hiru ale atera eta enpresara eramango ditu sinatu eta zigilatu ditzaten. Ondoren, fakultatean sinatzeko eta zigilatzeko ekarriko ditu fakultateko idazkaritzara eta azkenik, hiru aleak ikasle, enpresa eta fakultatearen artean banatuko dira. Fakultateak ikaslearen praktika-tramitea onar dezan enpresan egin beharreko egonaldia hasi baino lehen aipaturikoa egitea beharrezkoa da.

Borondatezko praktiketan enpresan egindako orduak 4. mailako hautazko kredituen truke amortizatu daitezke (gehien jota 12 kreditu). Hau da, 25 praktika-orduren truke ECTS kreditu bat aitortu daiteke, eta gehienez 300 praktika-ordu amortizatuko dira.

Behin praktikak burututa, ikasleak egindako praktika orduen baliozkotzea eskatu ahal izango du enpresaren praktika-ziurtagiria idazkaritzan aurkeztuz.

Aplikazioaren inguruko dudak argitzeko eta beste eratako duda administratiboetarako, jarri kontaktuan fakultateko idazkaritzarekin:  Arantzazu Loiti aran.loiti@ehu.eus; Tel: 943 015027

Duda akademikoetarako eta praktiken inguruko aholkularitzarako, jarri fakultateko teknikariarekin: informatica.internacional@ehu.eus; Tel:943 015563