Kurtsoaren xehetasunak

Nola bideratu zure ikerketak inpaktu sozialera?

Gaur egun gero eta gehiago espero da ikertzaileek ez bakarrik bikaintasun akademikoa erakustea, baita haien lanak balio sozial zabalago bat sortzeko egiten duen ekarpena ere, eremu akademikotik kanpo. Ezagutzan aurrera egitea funtsezkoa da oraindik ere, baina gero eta gehiago onartzen da ikerkuntzak garrantzi handiagoa hartzen duela eraldaketa sozial, ekonomiko, ingurumeneko eta kulturalari ere laguntzen dionean. Gizarte-inpaktuari aurre egitea erantzukizuna eta aukera da aldi berean: ikerketa-lanaren garrantzia indartzen du, elkarlanerako hainbat bide irekitzen ditu eta erronka global konplexuei aurre egiten laguntzen du.

Norentzat?

Prestakuntza jakintza-arlo guztietako ikertzaile finkoentzat eta seniorrentzat diseinatuta dago (batez ere R3-R4, Euraxessen sailkapenaren arabera). Parte hartzaileek benetako interesa erakutsi behar dute beren gaitasunak eta trebetasunak indartzeko ikerketa inpaktu sozialerantz bideratzeko. Programak logika sekuentzial eta metagarri bati jarraitzen dionez, espero da parte-hartzaileek modulu guztietara joatea eta aktiboki parte hartzea lan praktikoetan. Saio guztiak ingelesez izango dira.

Non, bi aukera:

Bizkaiko campusa, Leioa: EHU-ko liburutegiko Batzar aretoan

Gipuzkoako campusa, Donostia: Kimika Fakultateko 2 Bis gelan

Noiz:

Leioan: Uztailak 1, 7 eta 15

Donostian: Uztailak 2, 8 eta 16

Hiru moduloak goizeko eta arratsaldeko saioetaz osaturik egongo dira.

Ordutegia:

Goizeko saioak (AM): 10:00-13:00 

Arratsaldeko saioak (PM):  14:30-17:30

Inskripzio tasak: 

*EHU-ko ikertzaileak: 100€

*EHUtik kanpoko pertsonak: 250€