Metodologia

Oinarrizko egitura, urte batean eman beharreko ondoko programan datza:Ikastaro mota Kredituak (ECTS)Derrigorrezkoa 12Hautazkoa 33Master bukaerako lana 15Denetara 60Derrigorrezko ikastaroak ingelesez ematen dira. Beraz, ingelesean "independent user" edo B2 maila edukitzea beharrezkoa da. Hautazko ikastaro batzuk ingelesez, beste batzuk euskaraz eta besteak espainieraz izanen dira. Programa osoa ingelesez egin daiteke. Era berean ikasleek aukera dezakete programaren atal bat ingelesez eta bestea euskaraz edo espainieraz egitea.

Ebaluazioa

Ikastaro eskaintza zabal honek erraztuko die ikasleei euren garapen profesionalerako adierazgarrienak diren ikasgaiak hautatzea. Ikasleei behar duten laguntza eskainiko zaie euren garapen profesionalari begirako aukera egokienak egiteko.Ikasleek hezkuntza eleaniztunari buruzko programa desberdinak ezagutzeko aukera dute eta euren interesekoak diren arloak indartu ditzakete (adibidez, hizkuntza gutxituak, immigrazioa, curriculum garapena, ikerketa metodoak, ebaluazio teknikak) .Kredituen konbalidaziorako ikaslearen formazioa eta lan esperientzia aintzat hartuko dira. Europako masterra izanik, ikasketa plana diseinatzerakoan aintzat hartu egin da ikasleek Euskal Herritik, Espainiako beste herrialdeetatik, Europako eta mundu osoko herrialde desberdinetatik parte hartu dezaketela. Ebaluazioa honako irizpideetan oinarrituko da: ahozko aurkezpenak lan praktikoak, eguneroko atazak, ikasgelako parte hartzea, bukaerako azterketak, practicumaren burutzapena eta master bukaerako lana.