Metodologia

Masterrak aurrez aurreko eskolak, mintegiak eta lan tutorizatuak proposatzen ditu.Aurrez aurreko eskolak teorikoak eta praktikoak dira, eta garrantzitsua da ikasleek saio hauek ez huts egitea. Saio batzuk, garapen adierazleekin eginiko lanari buruzkoak, informatika geletan egiten dira, ikasleak kalkulu estatistikoan eta adierazleen eraikuntzan erabilitako programetan trebatzeko.Mintegiek izaera monografikoa dute eta masterrean lantzen diren gaien tratamendu eta analisira bideratuta daude. Adituek ematen dituzte, eta bi masterretako ikasleentzat antolatzen dira normalean (Globalizazioa eta Garapena, eta Garapena eta Nazioarteko Lankidetza). Lan tutorizatuak bi eratakoak dira. Alde batetik, irakasgai bakoitzaren barnean egiten diren lanak daude, eta irakasgaiaz arduratzen den irakasleak bideratzen eta zuzentzen ditu. Bestetik, master amaierako tesinak daude, Batzorde Akademikoak izendatzen duen masterreko irakasle batek zuzenduak, ikasleek proposatutako gaien arabera.Aipatzekoa da UPV/EHUren plataforma birtualaren erabilerari ematen zaion garrantzia, zeregin askotarako erabiltzen baita: ikasleei argibideak emateko; lanak banatzeko; irakurketak eta materialak eskegitzeko; irakasleak, ikasleak eta master zuzendaritza harremanetan jartzeko.

Ebaluazioa

Irakasgai bakoitzak bere ebaluazio prozedurak izan baditzake ere, landutako gaiaren ezaugarrien eta irakasleek nagusiki erabilitako lan metodologiaren arabera, honako hauek dira ikasleen ezagutzak ebaluatzeko mekanismoak: * Eskoletako parte-hartzea eta haiekiko erakutsitako interesa* Bakarkako eta taldekako lanak* Ikaskideen aurreko azalpenak* Ariketa praktikoak* Irakasleek proposatutako multzoko probak