Metodologia

Masterreko ikasgaiek badute plangintza bat eta, bertan, hasiera batean, sare elektriko adimentsuei eta DGei lotutako oinarrizko kontzeptuak lantzen dira, gai horretan geroago sakontzeko eta, amaitzeko, ikasitakoa aplikatu egiten zaie enpresek zein zentro teknologikoek aurre egin beharreko egungo benetako problematikei. Ikasgai bakoitzak klase magistralak ditu, kontzeptu eta metodologiei buruzko ezagutzak aurkezteko balio dutenak; ezagutza horiek, berriz, pixkanaka hartzen dira ikasgelako praktiken, ordenagailuaren eta laborategiaren laguntzaz. Praktikek, gainera, komunikazioko, talde-laneko eta abarreko zehar-gaitasunak hartzeko modua ematen dute.Nahitaezko azken bi ikasgaiek modua ematen dute hirugarren lauhilekoan, gehienetan enpresetan eta zentro teknologikoetan, egindako kanpoko praktikekin (KPekin) eta Master Amaierako Lanarekin pixkanaka uztartzeko. Horrek ikasleei aukera ematen die sektoreko enpresetako eta zentro teknologikoetako problematika zehatzak ezagutzen hasteko.

Ebaluazioa

Ikasgai gehienetan, ebaluazioaren zati bat etengabe garatzen da, eta gainontzekoa azken azterketa batean oinarritzen da. Etengabeko ebaluazioak, bereziki, balio du ikusteko ikasleek ikasgaiaren eta titulazioaren gaitasun espezifikoak eta zehar-gaitasunak nola lortzen dituzten. Ebaluatzeko era horrek ikasleen heziketaren bilakaerari buruzko feedback / atzeraelikadura erregular bat izateko modua ematen du eta, era horretan, beharrezkoa bada, irakaskuntzaren zati bat molda daiteke, gaitasunak modu efizienteago batean eskura ditzaten.Ikasgai bakoitzean hartutako gaitasunak desberdinak dira, logikoa denez, eta ebaluazio-prozedurak ere aldatu egiten dira ikasgai batetik bestera. Ikasgai bakoitzean aplikatutako prozedurak konbinazio bat izango dira: idatzizko azterketak, ahozko azterketak, lan praktikoak, aurkezpenak edo garatu beharreko galderak.