Komunikazio hau bidaltzen dizuegu Alboan, Egibide eta Udaparen (2030 Arabako Aliantza osatzen dutenak) eskutik antolatutako ekitaldi interesgarri baten berri emateko. Ekitaldia urtarrilaren 31an izango da, Europa Jauregian, "Beste ekonomia posible baterako lankidetza foroa: Gasteiz, Afrika eta Latinoamerikako esperientziak" izenekoa. Goizeko ordutegian izango da, 09:15etik 14:00etara.

Programaren helburua hainbat testuingurutako ekimen ekonomiko produktiboei buruzko topaketarako eta esperientziak trukatzeko gune bat sortzea da. Gasteizen, Afrikan eta Latinoamerikan bizi izan diren prozesuak indartu egin dira, elkarrekiko lankidetzaren (eragile anitzeko aliantzak) ikuspegiari esker, elkarren ikaskuntza-prozesu gisa.

Foro honen bidez, hainbat sektoretako (administrazioak, enpresak, gizarte-erakundeak, unibertsitateak...) eragileak dagoeneko funtzionatzen ari diren esperientzietara hurbildu nahi dira, lankidetza-praktika tradizionalak gainditzen dituzten aliantza globalak, anitzak eta askotarikoak eraikitzeari esker. Horretarako, Ekuadorko eta Kongoko arrakasta kasuak bertatik bertara ezagutzeko, ikaskuntzak partekatzeko eta aliantza berriak sortzeko aukera izango dugu.