Aimar Corredera Mínguez (St-Patricks English School, Donosti) Euskadiko Biologia Olinpiadako irabazlea 2026ean

Arene López Tomé eta Oihan Alonso Ferrón bigarren eta hirugarren postua lortu dute fase autonomikoan

Aimar Corredera Mínguez, St-Patricks English School-eko (Donosti) ikaslea, lehen postua eskuratu du urtarrilaren 23an ospatu den Euskadiko Biologia Olinpiadaren fase autonomikoan. Lehiaketa Zientzia eta Teknologia Fakultateak (EHU) antolatu du, eta Leioako (Bizkaia) Campusean eta Donostiako (Gipuzkoa) Kimika Fakultatean burutu da.

Gainerako irabazleak

Bigarren eta hirugarren Arene López Tomé (Lauro Ikastola, Loiu) eta Oihan Alonso Ferrón (Koldo Mitxelena BHI, Vitoria-Gasteiz) eskuratu dituzte, hurrenez hurren.

Amiarek eta Arenek Euskadi ordezkatuko dute Biologia Olinpiadaren fase nazionalean, Santanderren, 2026eko martxoaren 12tik 15ra bitartean. Bertan, lehen lau postuak lortzen dituztenek Biologia Olinpiada Internazionalean parte hartuko dute, uztailan Lituanian. Hurrengo lau sailkatuek, berriz, Guatemalan irailan ospatuko den Biologia Olinpiada Iberoamerikarrean parte hartuko dute.

2026eko parte-hartzea

Aurten, Euskal Autonomia Erkidegoko 11 ikastetxetako 49 ikaslek parte hartu dute proba honetan.

Euskadiko fase autonomikoko irabazleak Tablet bat jasoko du sari gisa, Proquinorte babeslearen eskutik.

Fase nazionalerako prestakuntza gisa, Euskadiko hoberenek hiru saio praktiko izango dituzte Zientzia eta Teknologia Fakultatean. Laugarren, bosgarren eta seigarren postuak lortu dituzten ikasleak honako hauek izan dira:

Santi Churruca de Castro (Gaztelueta Ikastetxea)

Eder Bea Lertxundi (Zurriola Ikastola)

Izaro Subinas Villanueva (Lauro Ikastola)

Eskerrak eta zorionak

Euskadiko Biologia Olinpiadako antolakuntzatik parte-hartzaile guztiei eskerrak eman nahi dizkiegu haien esfortzu eta dedikazioagatik, eta irabazleei egindako lan bikainagatik. Halaber, irakasleen eta ikastetxeen inplikazioa eskertu nahi dugu, izan ere, haien konpromisoa funtsezkoa izan da ikasleen talentua eta biologiaren inguruko interesa sustatzeko. Zorionak guztioi eta zorte on fase nazionalean lehiatuko direnei!