Urriaren 24ean, larunbata, EHUko Ikasleen IX. Biltzarra egin zen Bilboko Bizkaia Aretoan, ‘Gure Gradu Amaierako Lanek mundua aldatzeko balio dute’ lelopean. Ekimen honen bidez, Ikasleen eta Konpromiso Sozialerako Errektoreordetzak, 2030 Agendaren Garapen Jasangarrirako Helburuen inguruan graduko ikasleek egindako ikerketa lanak ikusarazi eta aitortu nahi izan ditu.
Gure Gradu Amaierako Lanek mundua aldatzeko balio dute
Ikasleen eta Konpromiso Sozialerako Errektoreordetzak 2030 Agendaren lau ardatz nagusietan nabarmendu diren zortzi lanak aitortu ditu
- Albisteak
Lehenengo argitaratze data: 2026/10/27
Jakintza-arlo guztietako 106 lan aurkeztu dira, 27 euskaraz, 69 gaztelaniaz eta 10 ingelesez, gradu desberdinetakoak: 40 Gizarte Zientzietan eta Zientzia Juridikoetan, 14 Ingeniaritza eta Arkitekturan, 20 Osasun Zientzietan, 9 Zientzietan eta 23 Arte eta Giza Zientzietan. Parte-hartzaileen artean 76 emakumeak izan ziren eta 30 gizonak.
Jasotako lanak biltzarraren ardatz tematikoetan kokatu ziren, honela: 70 Pertsonetan, 13 Oparotasunean, 14 Planetan eta 9 Bakean eta Aliantzetan. Bestalde, parte hartu duten ikasleek EHUko hiru campusetan egin dituzte ikasketak, honela banatuta: 54 pertsona Bizkaiko Campusekoak, 28 Gipuzkoako Campusekoak eta 24 Arabakoak. Kongresuaren edizio honetan bost saio tematiko paralelo antolatu ziren, non lau ardatz tematikoak sartu ziren (Pertsonak, Oparotasuna, Planeta eta Bakea eta Aliantzak).
Gainera, edizio honetan beste lau sari eman dira: Zerbitzuen bidezko Ikaskuntza metodologian oinarrituta garatzen den GrAL onena, Erronketan Oinarritutako Hezkuntza metodologian oinarrituta garatzen den GrAL onena, Campus Bizia Lab (CBL) deialdiko proiekturen baten barruan egindako GrAL onena eta poster formatuan aurkeztutako GrAL onena.
Unai Izquierdo aktore eta kazetariak gidatu zuen itxiera ekitaldia. Gainera, Los Judas de la Impro konpainiaren bat-bateko antzerki emanaldia izan zen ekitaldian, eta sari banaketa Asier Blas EHUko Ikasleen Gaietarako eta Gizarte Konpromisorako errektoreordeak egin zuen.
"Biltzarrak agerian utzi du Gradu Amaierako Lan batek mundua eraldatzen lagun dezakeela, arazo bat datuekin erakusten, ikusezina den errealitate bat azaleratzen edo irtenbide berri bat proposatzen duenean. EHUko ikasleek erakutsi dute ezagutza ez dela unibertsitatean geratzen, gizarteari itzultzen zaiola", adierazi du Asier Blasek.
| Ardatz tematikoa | Saria | Irabazlea | GrAL | Gradua |
| Pertsonak | 1 | Naroa Zubiria Arraiza | ¿Qué pasa cuando apagamos el mundo? Diario de una desconexión digital | Gradu Bikoitza: Kazetaritza + Publizitatea eta Harreman Publikoak |
| Pertsonak | 2 | Lucía Manjarrés Muñoz | Sorkuntza eta Diseinua | |
| Planeta | 1 | Irene Larreina Martinez | Arkitektura Teknikoa | |
| Planeta | 2 | Yun Elizondo Gómez | Industria Teknologia | |
| Oparotasuna | 1 | Joseba Aiz Nieves | Desindustrialización en Aiaraldea: ¿Qué empresas resisten y qué las hace resilientes? | Enpresen Administrazioa eta Zuzendaritza |
| Oparotasuna | 2 | Yuri Libeth Becerra Páez | Zuzenbidea | |
| Bakea eta Aliantzak | 1 | Maren Urkizu Urruzola | Literatur jolasen laborategia: Mahai-jokoak ikaskuntza sortzailea sustatzeko baliabide gisa | Haur Hezkuntza |
| Bakea eta Aliantzak | 2 | Ainara Braña de Prada | Voices of Migration: The Representation of The Mexican American Border in Bruce Springsteen's Songs | Ingeles Ikasketak |
| Zerbitzuen bidezko Ikaskuntza | Berezia | Garazi Rodil Jaime | Gizarte Hezkuntza | |
| Erronketan Oinarritutako Hezkuntza metodologia | Berezia | Alba Villafranca Ramos | Sorkuntza eta Diseinua | |
| Campus Bizia Lab (CBL) | Berezia | Dara Hernandez Cruz | Gizarte Hezkuntza | |
| Posterrak | Berezia | Maren Urkizu Urruzola | Literatur jolasen laborategia: Mahai-jokoak ikaskuntza sortzailea sustatzeko baliabide gisa | Haur Hezkuntza |
Informazio gehiago, hemen: Sariak | EHUko ikasleen IX. biltzarra - EHUko ikasleen IX. Biltzarra - EHU
Irudi galeria
-
Garazi Rodil Jaime 'Zerbitzuen bidezko Ikaskuntza' sari bereziaren irabazlea. Argazkia: Fernando Gomez -
Alba Villafranca Ramos 'Erronketan Oinarritutako Hezkuntza metodologia' sari bereziaren irabazlea. Argazkia: Fernando Gomez -
Dara Hernandez Cruz 'Campus Bizia Lab (CBL)' sari bereziaren irabazlea. Argazkia: Fernando Gomez -
Lucía Manjarrés Muñoz 'pertsonak' ardatzeko 2. sariaren irabazlea. Argazkia: Fernando Gomez -
Naroa Zubiria Arraiza 'pertsonak' ardatzeko 1. sariaren irabazlea. Argazkia: Fernando Gomez -
Yun Elizondo Gómez 'planeta' ardatzeko 2. sariaren irabazlea. Argazkia: Fernando Gomez -
Irene Larreina Martinez 'planeta' ardatzeko 1. sariaren irabazlea. Argazkia: Fernando Gomez -
Joseba Aiz Nieves 'oparotasuna' ardatzeko 1. sariaren irabazlea. Argazkia: Fernando Gomez -
Yuri Libeth Becerra 'oparotasuna' ardatzeko 2. sariaren irabazlea. Argazkia: Fernando Gomez -
Ainara Braña de Prada 'Bakea eta Aliantzak' ardatzeko 2. sariaren irabazlea. Argazkia: Fernando Gomez -
Maren Urkizu Urruzola 'Bakea eta Aliantzak' ardatzeko 1. sariaren eta 'posterra' sari bereziaren irabazlea. Argazkia: Fernando Gomez -
EHUko Ikasleen IX. Biltzarrean parte hartu dutenen talde argazkia. Argazkia: Fernando Gomez
