Energia Eraginkortasuna eta Jasangarritasuna Ingeniaritzan eta Arkitekturan Doktoregoa

Euskal Herriko Unibertsitateak, Vigoko Unibertsitateak eta Burgosko Unibertsitateak parte hartzen duten unibertsitate arteko doktorego-programa da.

Energia Eraginkortasuna eta Jasangarritasuna Ingeniaritzan eta Arkitekturan Doktorego Programaren helburua nagusia, irtenbide berritzaileak aztertzeko, diseinatzeko eta ebaluatzeko prestakuntza aurreratua ematea da; hau guztia, eraikuntza, industria eta garraioaren sektoreetan oinarrituta energia- eta ingurumen-erronkei aurre egiteko. Doktorego Programan gai honen inguruan dauden zeharkako ikerketa guztiak barneratzen dira.

Ikerketa-lerroak garatzeko, tresna matematikoak (eredu dinamikoak, exergetikoak, prediktiboak, optimizazio-algoritmoak), teknika esperimentalak (saiakuntza termikoak, monitorizazio energetikoa, mikroskopia, tokiko neurketak), metodologia konputazionalak (simulazio energetikoa, CFD, adimen artifiziala, neurona-sareak, BIM) eta eraginkortasun energetikoaren eta jasangarritasunaren ulermen sistemikoa aberasten duten lanketa sozialak, arauemaileak eta lurraldekoak erabiltzen dira.

Horrek guztiak ikerketa-ekosistema bat eratzen du, doktoregaiari soluzioak garatzeko aukera ematen diona, ingeniaritza aplikatutik, diseinu arkitektonikotik eta berrikuntza teknologikotik abiatuta, etorkizun energetiko arduratsuago baterantz.