Adirane Azkuenaga argazkilariak, ArabaClick 2024ko “superbeka”-ren irabazleak, Oroimenaren Ibarra lana erakusgai jarri du. Proiektu hau Gustavo Bravoren (Jardín Remoto) zuzendaritza artistikoaren gidaritzapean gauzatutako urte bateko lanaren emaitza da. Erakusketa Arratia ibaiaren inguruan eta sortzaileak lotura pertsonal estua duen haranean zentratu da, eta ikusgai izango da Arabako Campuseko "Koldo Mitxelena" Bibliotekaren atarian urriaren 29tik abenduaren erdialdera arte.