Gurean errotua, munduan saretua
Goi-mailako hezkuntzaren nazioartekotzea eta ikerketa funtsezkoak dira bizi garen mundu globalizatu honetan. Horregatik ere gure unibertsitateak bi erronka nagusiri egin behar die aurre: ingurune eleaniztun eta multikulturalean lan egiteko gai diren pertsonak prestatu behar ditu eta nazioartean ere ezagunak izatea lortu behar du prestakuntzaren kalitateagatik; horrek beste herrialde batzuetako ikasleak erakartzea ahalbidetzen digu.
Hurbileko ingurunearekiko konexioak unibertsitatearen mundu mailako proiekzioa indartzen du, eta nazioartera irekitzeak lurraldearen garapena aberasten du.