IKASI HIZKUNTZAK ARABAKO CAMPUSEAN

Arabako Campuseko Errektoreordetzak unibertsitateko kideei ingeles tekniko eta akademikoa etengabe ikasten eta erabiltzen lagunduko dieten jarduerak antolatu nahi ditu. Era berean, uste du interesgarria dela hizkuntza hori Lingua Franca gisa sustatzea. Arabako ikastegietan gero eta irakasle eta ikertzaile eleaniztun gehiago behar dira. Horregatik, garrantzitsua da gradu eta graduondoko ikasketetan eta ikerketa jardueretan ingelesaren presentzia areagotzea, eta unibertsitateko komunitateak, beste behar batzuen artean, ingelesezko gaitasun linguistikoak garatzeko prestakuntza behar du. Hori dela eta, Arabako Campuseko Errektoreordetzak ingeleseko mintegiak antolatu ditu.
Hona hemen 2022-2023 ikasturteko lehen lauhilekorako jardueren eskaintza:


INGELESEKO MINTEGIAK - Udazkena 2022

Irudia

  • ​​​​​​NEW - Working with foreigners
  • A Guide into Academic Papers
  • An Advanced Guide into Academic Papers
  • Congress and Conference Presentations Prep (Bimodal)
  • An advanced Congress and Conference Presentations Prep (Bimodal)

Eskaerak aurkezteko epea: 2022eko azaroaren 8an

INGELESEZ IDATZITAKO TESTU ZIENTIFIKOAK BERRIKUSTEKO TUTORETZA ZERBITZUA - 2022ko urriak eta abenduak

Zientzia gizarte jarduera bat da, non komunikazio prozesuek funtsezko zeregina betetzen duten. Izan ere, ikertzailearen eginkizun nagusietako bat da bere jarduera zientifikoaren emaitzak ematea argitara ikuskapen eta kalitate estandar altuko aldizkarietan. Horretako, arauak eta jarraibideak ezartzen dira, ikertzaile ona izateko ezagutu behar direnak. Gaur egun ingelesa da komunikazio hizkuntza nagusia zientziaren alorrean eta, beraz, diskurtso zientifiko‑teknikoa hizkuntza horretan menderatzea funtsezko gaitasuna da ikerketa jarduera burutzeko eta emaitzak ezagutza zientifikora gehitzeko.

Adierazitakoagatik guztiagatik, Arabako Campuseko Errektoreordetzak erabaki du abian jartzea, deialdi espezifikoaren bitartez, testu zientifiko-​akademikoak (GrAL eta MAL barne) berrikusteko tutoretza zerbitzua, Arabako Campuseko kideei zuzendua.

Info gehiago HEMEN

 

Iradokizunen postontzia

Konta iezazkiguzu datorren lauhilekorako hizkuntzak ikasteko dituzun ideiak eta premiak, ikastaro berriak … eta bidali gure helbide elektronikora: arabakohizkuntza.laborategia@ehu.eus.

Mila Esker!