BIOMAT-taldea Euskal unibertsitate-sistemaren A⁺ ikerketa-taldea da. BIOMAT jakintza-alor anitzeko ikerketa-taldea da, eta biopolimeroetan (proteinak eta polisakaridoak, batez ere) oinarritutako materialen osaera, egitura eta propietateak aztertzen ditu. Formulazioen konposizioaz gain, materialen prozesatzea optimizatzen da eta 2D egiturak (filmak) eta 3D egiturak (mintz porotsuak) garatzeko beharrezkoak diren propietate funtzionalak aztertzen dira elikaduraren sektorean (ontzi aktiboa), sektore biomedikoan (ehunen birsorkuntza) edo ingurumen-sektorean (uraren deskontaminazioa) hainbat aplikaziotarako, konposizioa-prozesaketa-propietateak erlazioa ezarriz. Taldeak hartutako estrategiak lehengai sintetiko berriztaezinen erabilera murriztea eta gaur egun industrian eskuragarri dauden manufaktura-teknikak erabiltzea dakar, produktu lehiakorrak eta jasangarriak fabrikatzeko helburuarekin. Garatutako produktuekin lotutako ingurumen-onurak neurtzen dira bai lehengaia bai azken produktua lortzeko jarraitutako prozesuetan.

Hauek dira BIOMAT taldearen ikerketa-ildo nagusiak:

• Materialen portaeraren simulazioa eta modelizazioa
• Biopolimeroak eta bioaktiboak erauzteko biorrefineriako prozesuak
• Biopolimeroak aldatzea eta formulazioak optimizatzea
• Biopolimeroen manufaktura-prozesuak optimizatzea
• Biorrefineriako prozesuen eta bio-oinarritutako produktuen ingurumen-ebaluazioa
• Bio-oinarritutako produktuen bideragarritasuna