Deskribapena

Ikasturtean zehar, Arabako Esperientzia Gelek irteerak antolatzen dituzte OLBEk antolatutako opera denboraldira joateko. Testuinguru horretan, eta Bizanekin elkarlanean, Nerea Barrena Euskal Herriko Unibertsitateko (EHU) Musika, Plastika eta Gorputz Adierazpenaren Didaktika Saileko irakasleak eskainiko duen hitzaldia antolatu da datorren asteazkenerako, Letren Fakultatean. Hitzaldia Gaetano Donizettiren ‘Maria Stuarda’ operari buruzkoa izango da.

Sarrera librea izango da aretoaren edukiera bete arte.