Deskribapena

Euskal Herriko Unibertsitatearen (EHU) Filologia eta Historia Sailak ‘Historia euskaraz. Antzinarotik Erdi Arora’ izeneko hitzaldi zikloa antolatu du, Vitoria-Gasteizko BIBAT Museoan emango dena.

Dibulgazio hitzaldiak dira, historiaren inguruan egin diren azken ikerketak aurkezteko helburua dutenak. Unibertsitatean egiten dena gizarte osoari euskaraz zabaltzea da asmoa. Horretarako, EHUko ikertzaileek hitzaldiak eskainiko dituzte ikertzen ari diren gaiaren inguruan.

Hitzordua asteazkenetan izango da eta sarrera zabalik dago interesa duten guztientzat.