Iñigo Ugedo hautatu dute berriro EHUko Ikasle Kontseiluko lehendakari

Emaitzen behin betiko aldarrikapena urriaren 1ean izango da, eta urriaren 8an Joxerramon Bengoetxea errektoreak harrera egingo die Ikasle Kontseilu berriko kideei

Albisteak

Lehenengo argitaratze data: 2025/09/25

Ezkerretik eskumara: Inés Arasco Sánchez, Martxel Zamora Diaz, Valerie Martínez Pertuz, Iñigo Ugedo Vicario, Saioa Jiménez San Martín, Haitz Gaztelurrutia Simón, Gilber Eddy Rosario Gómez, June Garmendia Duarte. | Argazkia: Ikasle Kontseilua

Universidad del País Vasco/Euskal Herriko Unibertsitateko (EHU) Ikasle Kontseiluak Lehendakaritzarako eta Batzorde Iraunkorreko hauteskundeak ospatu zituen atzoko osoko bilkuran, eta Iñigo Ugedo Vicarioren hautagaitza aukeratua izan zen.

Aurten hautagaitza bakarra aurkeztu da lehendakaritzarako, eta 11 hautagai Ikasle Kontseiluko batzorde iraunkorrerako. Batzorde iraunkorrerako 6 kide aukeratu behar izan dituzte. Iñigo Ugedo Vicario lehendakari izateko hautagaitzarako 23 boto eman dira: 16 aldeko boto eta 7 boto zuri.

Ikasle Kontseiluko Lehendakaritza

Lehendakaritza: Iñigo Ugedo Vicario
Idazkaritza: Ocón Sáenz Sáenz
Diruzaina: Joan Arregui Prieto
Lehendakariordetzak:
- Lehen Lehendakariordetza eta Erakunde Harremanetarako eta Komunikaziorako Lehendakariordetza: Saioa Jiménez San Martín
- Unibertsitate Politikako Lehendakariordetza: Martxel Zamora Diaz
- Kanpo Harremanetarako Lehendakariordetza: Gilber Eddy Rosario Gómez
- Araudi eta Kudeaketa Juridikoaren Lehendakariordetza: Haitz Gaztelurrutia Simón
- Barne Koordinaziorako Lehendakariordetza: Valerie Martínez Pertuz
- Partaidetza eta Unibertsitate Bizitzarako Lehendakariordetza: Inés Arasco Sánchez
- Gardentasunerako eta Eraldaketa Digitalerako Lehendakariordetza: June Garmendia Duarte

Ikasle Kontseiluko Batzorde Iraunkorrerako kideak

Saioa Jiménez San Martín, June Garmendia Duarte, Inés Arasco Sánchez, Haitz Gaztelurrutia Simón, Aner Ganzarain Galdos eta Irati Anda Nuñez.

Emaitzak inpugnatzeko epea irekiko da irailaren 24tik 29ra (23:59ak arte). Hauteskundeen emaitza urriaren 1ean aldarrikatuko da behin betiko, orduan izendatuko baitu ofizialki Joxerramon Bengoetxea errektoreak lehendakaria. Gainera, talde berriaren eta errektoretza-taldearen arteko lehen lan-bilera bat programatu da urriaren 8an, 09:00etan, Bizkaia Aretoan, elkarrizketarako eta lankidetzarako etapa bat irekitzeko.