Agente biologikoen eta genetikoki eraldatutako organismoen ikerketetarako Etika Batzodea (ABIEB) organo kolegiatua da. Organo horrek agente biologikoekin edo genetikoki eraldatutako organismoekin eginiko ikerketetan edo irakaskuntza-jardueretan sortutako alderdi juridikoak, etikoak eta metodologikoak ebaluatzen ditu eta horien jarraipena egiten du.
Batzordea diziplina anitzeko talde batek osatzen du eta inpartzialtasunez eta independentziaz egiten du lan. Era berean, ebaluatzen dituen protokoloekiko nahitaez errespetatu beharreko konfidentzialtasun-printzipioa zorroztasunez betetzen du.

,ABIEBaren eginkizunak honako hauek dira:

• EHUren prebentzio-zerbitzuarekin koordinatuz, honako hauek egiaztatzea:
  • Gizakien, animalien edo landareen osasunerako arriskutsuak izan daitezkeen GEOekin edo agente biologikoekin eginiko ikerketa-proiektuetan balizko arriskuen gaineko kontrolaren eta biosegurtasunaren aurreikuspenak.
• Proposatutako jarduera aintzat hartuz, unibertsitate honek biosegurtasun instalazio egokiak dituen ala ez.
• IIren eskariari erantzunez, bestelako alderdi metodologikoak, etikoak eta juridikoak ebaluatzea agente biologikoen edo genetikoki eraldatutako organismoen ikerketa-proiektuetan edo irakaskuntza-jardueretan.
• Bere jarduera eremuan, IIEBk eskatzen dizkion gainerako lanak.