Programa

Erabilgarri dira Universidad del País Vasco / Euskal Herriko Unibertsitatearen eremu amankomun guztiak (bibliotekak, gela telematikoak eta beste), bai eta ikasgelak, laborategiak eta Farmazia Fakultateko elikadura planta pilotua ere. Hauez gain, doktorego programa honen baitan diren ikertalde ezberdinek, zein bere ikastegian, darabiltzaten laborategiak ere erabil daitezke.

Elikagaien Segurtasuna eta Kalitatea doktorego programan esku hartzen duten ikertalde bakoitzak ikerkuntzarako laborategiak ditu, bakoitzaren ikerketa ildoetara egokituriko ekipamenduarekin.Gainera, geroko doktorego tesiak egin ahal izateko ikerketa lanak burutuko direneko ikastegiek, ikertalde bakoitzaren laborategiez gain, erabilera orokor edo amankomuneko zerbitzu espezifikoak ere badituzte, teknika instrumental ezberdinak eta ikertzaileen zerbitzurako pertsonala bertan direlarik.

UPV/EHUk biblioteka nagusiak eta biblioteka tematikoak dauzka. Bere aldetik, doktorego programan parte hartzen duten sailek irakurketarako mintegiak eta bibliotekak ere badituzte, funts bibliografiko espezifikoak dituztenak.Informazio zientifikoa erabiltzeko aukera bermaturik dago WEB OF KNOWLEDGE edo SCIFINDER SCHOLAR bezalako datu baseetara sartuaz. Datu baseotara zuzenean sartu ahal da fakultateko, sailetako, areto telematikoetako ordenagailuetatik edo, Ikerkuntzaren arloko errektoreordetzak doktoregaiei emaniko ordenagailu pertsonaletatik. Beste alde batetik, gaur egun, ikastegi guztiek dute harpidetza elektronikoa, diren zientzi aldizkari nagusiekin eta, honi esker, berehala eskuratzen da informazio zientifikoa, edozein garaitakoa izanik ere.