EHUTERPE Unibertsitate Abesbatza-Elkartea

EHUTERPE Unibertsitate Abesbatza-Elkartea 2017an sortu zen, Ingenieria Eskolako ikasle ohi Estíbaliz Urkizaren ekimenez. Horrez gain, Abesbatza sortzeko lagungarriak izan ziren Arabako Campusean kultura jarduera parte hartzaile eta integratzaile bat sortu nahi izan zuten ikastegiko hainbat pertsonaren bultzada ekintzailea eta ikastegiko Zuzendaritzaren babes logistiko eta erabatekoa.

Sortu zenetik, Abesbatza irekia eta integratzailea izan da. Lehen hilabeteetatik, bertan parte hartzeko aukera eman zitzaien irakasle eta ikertzaileei, administrazio eta zerbitzuetako langileei (AZP), unibertsitate campuseko beste ikastegi batzuetako ikasleei eta, are gehiago, baita UPV/EHUn lan egin izan duten erretiratuei edo UPV/EHUn ikasi zuten eta une honetan unibertsitate esparrutik kanpo lan egiten dutenei ere.

2018aren amaieran, ia 30 pertsonak parte hartzen dute Abesbatzan (irakasle eta ikertzaileak, AZPko langileak, UPV/EHUko erretiratuak, ikasle ohiak eta ikasleak). Eta ikastegi bat baino gehiago ordezkatzen dituzte: Ingeniaritza Eskola, Letren Fakultatea, Farmazia Fakultatea eta Arabako Campuseko Errektoreordetza.

Unibertsitateko Abesbatzak musika modernoa lantzen du batik bat. Hala ere, Abesbatzaren errepertorioan euskal autoreen abesti ezagunak edo unibertsitatean garrantzi handia duten abestiak, hala nola “Gaudeamus Igitur”, ere entzun daitezke.

Parte hartu nahi baduzu, ANIMATU! Oraindik hasten ari gara, baina ilusio handia dugu.

Entseguak ostegunetan dira, 17:30etik 18:30era, Ingeniaritza Eskolako Gradu Aretoan.

Izena emateko, bidali mezu bat helbide elektroniko honetara:

 

Lau Teiatu de EHUTERPE

Lau Teiatu de EHUTERPE y la Escuela de Ingeniería de Vitoria-Gasteiz