THE VITORIAN SOCIETY

The Vitorian Society bereziki literaturan eta orokorrean kulturan interesatuta dauden Arabako Campuseko ikasleen kultur elkarte bat da.

 

Zenbait ekimen sustatu nahi ditugu, eta horiek osatu nahi ditugu ekimen honetan parte hartzeko interesa duzuen guztion ekarpenekin.

Gure ortzi-mugan helburu hauek ditugu:

  • Talde autonomoak sortzea (bata izaera orokorra duena eta ingelesez izango dena, bestea tradizio klasikoan oinarritzen dena). Ateak irekita daude Arabako Campuseko ikasleengandik datozen beste literatura proposamenentzat.
  • Konferentziak, mintegiak eta ikastaroak antolatu eta kudeatzea.
  • Aldizkari akademiko eleaniztun eta diziplina aniztuna sortzea.

Gure elkartean parte hartu nahi baduzue edo zalantzarik baduzue, helbide honetara idatz dezakezue: thevitoriansociety@gmail.com.

Gure ekimenek sortutako gastuak ordaintzeko, kide bakoitzari urteko 5 euro eskatuko zaizkio. Kuota hori The Vitorian Society elkarteko kide izateko da, ez elkarteko taldeek antolatutako ekimenetan parte hartzeko.

 

IZAERA OROKORREKO IRAKURKETA ETA EZTABAIDA TALDEA INGELESEZ (AVALON)

Hilero irakurketa batzuk finkatuko dira kideek beren kabuz irakurri eta landuko dituztenak.

Eztabaidak hilero izango dira, eta ideiak azaldu eta eztabaidatzeko balioko dute; bertan, hainbat genero landuko dira, hala nola poesia, antzerkia, nobela laburra eta ipuinak.

  • Iraupena: ikasturte osoa
  • Egunak: hileko hirugarren ostegunak
  • Ordutegia: 19:00-21:00
  • Gaiak: hezkuntza, teknologia, feminismoa, etab.
  • Ingelesez
  • Lekua: Unibertsitate pabiloia (jantokiaren gainean)
  • Plaza kopurua: mugarik gabe.

 

KOORDINATZAILEAK

  •       Marc Brun Sánchez
  •       Cristina Valerio Tejada

 

MATRIKULAREN PREZIOA

Doakoa

 

3 SAIOA: 2018/12/20, FEMINISMOA

19:30-20:15, Unibertsitate pabiloia

Avalon eztabaida eta irakurketa taldeak feminismoaren gaia lantzea proposatzen du, datorren abenduaren 20rako, ondoko irakurketa hauetan oinarriturik:

●      Zehazteko

21etan afaria egingo da eztabaidatzen eta hizketan denbora gehiago egon nahi dutenekin.

 

MUNDU KLASIKOA IKERTZEKO ETA DIBULTZATEKO TALDEAK (CARIBDIS) ANTOLATUTAKO SOLASALDIAK

Caribdis taldeak Mundu Klasikoarekin lotura duten ikerketak eta metodologiak sustatu nahi ditu, diziplinartekotasunetik; hori dela eta, eztabaida piztu nahi du sorkuntza lan garaikideek (batez ere pop kulturak) duten kultura greko-latindarraren eraginaz hitz egiteko. Saio bakoitzean azalpen bat emango da proposatutako gaiaz, eta ondoren izaera irekia eta informala duen solasaldia hasiko da.

 

1. SAIOA: 2018/12/13, Videojuegos y literatura: la odisea de Sora

17:00-19:00, Letren Fakultateko 0.02 gelan

Bideo-jokoak arte lantzat har ditzakegu? Areago, bideo-jokoak literatura ikuspegitik azter daitezke? Zer interes izan dezake bideo-jokoetan mundu klasikoaren agerrera aztertzeak? Gai horietaz hitz egin ondoren, Kingdom Hearts bideo-joko sagako pertsonaiaren eraikuntza aztertuko da, Odiseo greziar heroiarekin konparatuz.

 

2. SAIOA: 2018/02/14, Orfeo Blanco y Orfeo Negro: representaciones del mito en la música underground

17:00-19:00, Letren Fakultateko 0.02 gelan

Irudi mitologikoak etengabe erabili dira mendebaldeko musika zuriaren ekoizpenean, operatik hasi eta rock alternatiboraino. Zer gertatzen da musika beltzarekin? Arreta jarriz gero, mito klasikoen presentzia aurkituko dugu uste ez dugun lekuetan, New Yorkeko rap undergroundean adibidez. Musika zuriaren eta beltzaren desberdintasun kulturalak kontuan hartuta, Orfeoren irudiaren eguneratzea aztertuko dugu, batez ere Nick Caven Orfeo Zuriaren eta Hermit and the Reclusen Orfeo Beltzaren desberdintasunetan arreta jarrita.

 

3. SAIOA: 2018/04/11, Descensus ad Inferos en la creación audiovisual: Twin Peaks (1990-2017)

17:00-19:00, Letren Fakultateko 0.02 gelan

Gure kulturak Mundu Klasikotik herentzian jaso duena, Antzinateko obren, mitoen eta autoreen herentziaren bidez ikus dezakegu, baina baita eskema narratiboen bidez ere. Azpimundurako jaitsiera mundu garaikidean bizi-bizirik dagoen narrazio bat da, eta literaturan eta mito greko-latindarrean presente dauden elementu tradizionalak gaurko kezka eta ikuspegiekin fusionatzen dira. Twin Peaks (1990-2017) telesaila abiapuntu ona da hori guztia ikusteko eta Orfeoren mitoaren bidez descensus ad inferos-aren eguneratzeaz eta bertan dauden beste elementuez hitz egiteko.

 

KOORDINATZAILEAK

  •       Belén Galván Rodríguez
  •       Pablo Merchán Sáenz
  •       Leire Morrás Aranoa

 

MATRIKULAREN PREZIOA

Doakoa