Gipuzkoako Ingeniaritza Eskolako Eibarko Berdintasun Batzordeak martxoaren 5ean, arratsaldeko 15:00etan, ospatuko den Bideoforumera gonbidatu nahi zaituzte. “Figuras Ocultas” filma proiektatuko dugu; benetako gertaeretan oinarrituta, NASAn lasterketa espaziala garatzen lagundu zuten emakume matematikari afroamerikarren ("kalkulagailuak" deitutakoen) istorioa kontatzen du. Saioaren ostean, filmeko gai nagusien inguruko eztabaida irekia egingo dugu: genero-aurreiritziak, arrazakeria eta pribilegioen itsutasuna, besteak beste.