Gradu Amaierako Lana enpresan

Argitaratze data: 2020/03/17

COVID-19 EGOERAREN AURREAN: Gipuzkoako Ingeniaritza Eskolako ikasleek enpresa eta instituzioetan egiten dituzten Praktika eta Gradu Amaierako Lan presentzial guztiak bertan behera geratzen dira beste abisu bat eman arte. Egoera hau mantentzen den bitartean, gure ikasleak kanpoko praktika akademiko eta enpresatan garatzen ari diren GrAL-ak telelanez aurrera eramateak, modu presentzialean aurrera eramatearen balio bera izango du, ikuspuntu akademikotik.
Hezkuntza-mundutik lan-mundurako trantsizio-beken programari dagokionez, baliogabetu egin da apirilaren 1etik ekainaren 30era programatutako praktikaldia, eta, oraingoz, mantendu egiten dira deialdian eta Zentroen gidan adierazten diren beste praktika garaiak .

 

Gradu Amaierako Lana titulazioa jasotzeko egin beharreko azkeneko lana da. Hamabi kreditu balio ditu eta bai Eskolan (irakasle arduradun baten gainbegiratzepean) bai enpresan (irakasle-tutore batekin eta enpresako arduradun baten ikuskapenarekin) egin daiteke.

Gipuzkoako Ingeniaritza Eskolak Gradu Amaierako Lana  enpresan egiteko aukera ematen du. Enpresek beren eskaintzak GAUR aplikazio informatikoan egiten dituzte eta matrikulatuta dauden ikasleek ikusi ditzakete. 

GrALa enpresan egiteak ikasleari gaur egun hain beharrezkoa den lan ezagutza emango dio eta beste ingurune batean garatzea zaila diren gaitasun pertsonalak lortu.

Informazio gehiago: