GIEren Kalitate Politika
Gipuzkoako Ingeniaritza Eskola 2016ko urtarrilaren 5ean eratu zen, Euskal Herriko Unibertsitateak (EHU) ikastegiak berrantolatzeko egindako prozesuaren ondorioz. Ikastegi berriak Donostiako Unibertsitate Eskola Politeknikoa eta Eibarko Ingeniaritza Teknikoko Unibertsitate Eskola bildu zituen, biak ere ibilbide luzearekin hezkuntza eta ikerketa arloan. Integrazio-prozesuan bi mugarri nabarmendu daitezke: 2016ko abenduan lehen Ikastegiko Batzarra eragin zuten bozketak egin ziren, eta 2017ko otsailean lehen aldiz zuzendaritza-talde bateratu bat aukeratu zen.
Zentroak, eta bereziki bere zuzendaritza-taldeak, kalitatearekiko eta etengabeko hobekuntzarekiko konpromisoa hartzen du. Konpromiso hori honako puntu hauetan zehazten da:
- Kalitate-politika definitzen, berrikusten eta etengabe eguneratzen du, Kalitatearen Barne Bermerako Sistema eraginkorra dela eta aldizka ebaluatzen eta berrikusten dela ziurtatuz.
- Kalitate-politika hori Eskolako langile guztiek ulertu eta onartu dezatela baita bere interes-taldeei ere zabaldu dezala sustatzen du.
- Prozedura guztien jarraipena bermatzeko, jardun, informazioa bildu, ebaluatu eta berrikusteko sistematika bat eratzen du.
Horren ondorioz, aurrerapen nabarmen hauek egin dira azken urteotan:
- KBBSaren eskuliburua diseinatzea eta Batzordean onartzea (2018ko urtarrila)
- Sistemaren eskuliburuaren diseinuak AUDIT ziurtagiria jasotzen du (2018ko abendua)
- Ikastetxeak BIKAIN Euskararen Kalitate Ziurtagiria jasotzen du (2018ko abendua)
- 2019-2022 Plan Estrategikora daraman hausnarketa estrategikoa (2019ko martxoa)
- KBBSaren ezarpenaren AUDIT ziurtagiria (2022ko abendua)
- Akreditazio instituzionala jasotzen du (2023ko martxoa)
- 2. Plan Estrategikoa egitea eta onartzea (2023-2026)
Eredu hori oinarritzat hartuz zentroari atxikitako sei gradu, bi gradu bikoitz eta hiru master ofizialak kudeatzen dira.