Irakasgai honetan oinarrizko Fisikako (Mekanikako eta Elektromagnetismoko) praktikak egingo dira. Horrela, Fisika Orokorra irakasgaian garatutako eduki teorikoak osatzen dira ikuspuntu esperimentaletik.



Irakasgaiak ere eduki teoriko txiki bat dauka gai hauei buruz: erroreen teoria eta datu esperimentalen analisia, laborategiko txostenen aurkezpena, zirkuituen teoria eta neurketa tresnen erabilera. Praktiken oinarri teorikoa ulertzeko eta menperatzeko nahitaezkoa da Fisika Orokorra irakasgaian ikasitako edukiak erabiltzea.



Hau izango da ikasleak Fisikako laborategi batekin izango duen lehen kontaktua eta hemen hartutako gaitasunak goragoko mailetako laborategietan ere erabiliko ditu.

Ikaslea ondorengo jarduerak egiteko gai izan beharko da:

- Mekanikako eta elektrizitateko esperimentuak egin, lortutako datuak tratatu, emaitzak kritikoki aztertu eta ondorioak atera.

- Ikasleak laborategian erabiltzen diren teknika eta gailu experimentalak ezagutu beharko ditu.

- Lortutako emaitzak modu argian eta zehaztuan aurkezteko gai izan beharko du, erroreen kalkulua barnehartuz eta itxarotako emaitzekin konparatuz.

1. Erroreen kalkulua eta datu-prozesamendua. Txostenen aurkezpena. Grafikoak egiteko programak eta datu-prozesamendua.

2. Neurketa egiteko oinarrizko tresneria. Elikadura-iturriak, osziloskopioa, multimetroa, osagai elektrikoak.

3. Praktikak egiteko osagarri teorikoak. Zirkuituen teoria

4. Mekanika eta Elektromagnetismoko praktikak

1. Pendulu fisikoa. g-ren neurketa.

2. Higidura harmonikoa. Hooke-ren legea.

3. Inertzia momentua. Steiner-en teorema.

4. Plano inklinatua. Oszilazioak. Malgukiak seriean eta paraleloan.

5. Soinuaren abiaduraren neurketa. Erresonantzia hodia.

6. Korronte jarraitua I. Iturrien barne-erresistentzia.

7. Korronte jarraitu II. Bonbila baten berezko kurba.

8. Kondentsadore baten deskarga. RC delakoaren kalkulua.

9. Korronte alternoa. RLC zirkuitua. Osziloskopioaren erabilera.

10. Solenoideetako korronte induzitua. Transformadorea.

Eduki teorikoa:

Irakasgaiaren hasieran eta saio praktikoak hasi baino lehen, eskola teorikoak (magistralak) emango dira gai hauei buruz: erroreen kalkuloak, datu esperimentalen analisia eta laborategiko txostenenen aurkezpena. Elektromagnetismoko praktikak hasi baino lehenagoko astean, eskola teorikoak (magistralak) emango dira gai hauei buruz: zirkuituen teoria eta neurketa tresnen erabilera.



Eduki esperimentala:

- Praktikak lauhilekoan zehar banatutako saio desberdinetan burutuko dira, arratsaldez.

- Saio praktikoetara etortzea derrigorrezkoa da.

- Lau orduko saio bakoitzean praktika desberdin bat egiten da.

- Irakasgaiaren hasieran ikasleari liburuxka bat emango zaio praktiken gidoiekin.

- Saio bakoitzera joan baino lehen, ikasleak egun horretan egin beharko duen praktikako txostena landu eta ikasi beharko du, eta ariketa batzuk egin beharko ditu.

- Praktika bakoitzeko gidoia jarraituz, ikasleak era autonomoan egin beharko du praktika, betiere irakasle baten gainbegiratzearekin.

- Saio praktikoa bukatu eta gero, ikasleak saioan egindako praktikaren txostena entregatu beharko du.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 15
  • Praktikak egitea (ariketak, kasuak edo buruketak) (%): 85

Kurtsoan zehar saio praktikoak, praktika horien txostenak, azterketa teoriko bat eta azterketa praktiko bat egin beharko da ebaluaketa jarraituaren barnean. Atal bakoitzaren ekarpena bukaerako notan hauxe izango da:

- Laborategiko praktiken txostenak (%85): Laborategiko praktika guztiak egitea derrigorrezkoa da, eta txosten guztien batez besteko nota 10etik 5 puntukoa izan beharko da gutxienez.

- Erroreen kalkuluari buruzko azterketa (%15): Azterketa honetan atera beharreko gutxieneko nota 10etik 5 izango da.

- Laborategiko azterketa praktikoa: Azterketa honen kalifikazioa "gai" izan beharko da



Baldintza guztiak betez gero, nota finala laborategiko txostenen eta erroreen azterketen batezbestekoa izango da.

Aurreko baldintzak betetzen ez badira, ohiko deialdian froga teoriko-praktiko bat egingo da. Froga honetara aurkeztu ahal izateko, ikasleak laborategiko praktiken %100a eginda izan beharko du.



Deialdiari uko egitea:

Ikasle batek laborategiko praktiken %100a baino gutxiago egiten badu ohiko deialdiari uko egiten diola ulertuko da. Halaber, ikasleak ohiko deialdiari uko egin diezaioke irakasleei idatziz informatzen badie lauhilekoaren bederatzigarren astea amaitu baino lehen.



OHARRA: Osasun-baldintzek ebaluazio presentziala egitea eragozten badu, ebaluazio ez-presentzial bat aktibatuko da, eta horren berri jakin bezain laister ikasleei emango zaie.

Atal praktikoak eta atal teorikoak dituen azterketa bat egin beharko da.

Deialdi honetara aurkezteko ikasleak laborategiko praktiken %100a eginda izan beharko du



Deialdiari uko egitea:

Ikasle batek laborategiko praktiken %100a baino gutxiago egiten badu ez-ohiko deialdiari uko egiten diola ulertuko da. Halaber, ikasleak ezohiko deialdiari uko egin diezaioke irakasleei idatziz informatzen badie bukaerako azterketaren data baino 10 egun lehenago.



OHARRA: Osasun-baldintzek ebaluazio presentziala egitea eragozten badu, ebaluazio ez-presentzial bat aktibatuko da, eta horren berri jakin bezain laister ikasleei emango zaie.

Praktikak egiteko gidoiak: "Teknika esperimentalak I". Materia Kondentsatuaren Fisika Saila. UPV/EHU.

Oinarrizko bibliografia

1.Praktikak egiteko gidoiak: "Teknika esperimentalak I". Materia Kondentsatuaren Fisika Saila. UPV/EHU.

2.P. A. Tipler eta G. Mosca, Física para las ciencias y la tecnología, 6ª Ed. Reverté 2010.

3.P. M. Fishbane, S. Gasiorowicz eta S. T. Thornton, Fisika zientzialari eta ingeniarientzat. UPV/EHU-ko argitalpen zerbitzua, 2008.

4.H. D. Young,R. A. Freedman. Sears Zemansky Física Universitaria. 12ª Ed. Addison Wesley 2009.

5.R. A. Serway eta J. W. Jewett Jr., Física para ciencias e ingeniería, 6ª Ed. Thomson 2005.

Gehiago sakontzeko bibliografia

1.S. G. Rabinovich, Measurement Errors and Uncertainties: Theory and Practice, 3ª Ed. Springer, 2005.
2.I. Lira, Evaluating the Measurement Uncertainty: Fundamentals and Practical Guidance (Series in Measurement Science and Technology), 1ª Ed. Taylor & Francis 2002.