Bisita Birtuala
Hezkuntza: 945 01 32 66 / Kirola: 945 01 35 00
Hezkuntza eta Kirol Fakultateak Kubako Manuel Fajardo Gorputz Kultura eta Kirol Zientzien Unibertsitatearekin duen lankidetza sendotu du
Lehenengo argitaratze data: 2025/10/29
Joan den urriaren 21ean, UPV/EHUko Hezkuntza eta Kirol Fakultateak lan-bilera bat eduki zuen Habanako (Kuba) Manuel Fajardo Gorputz Kultura eta Kirol Zientzien Unibertsitateko ordezkariekin, harreman akademikoak sendotzeko eta erakundeen arteko lankidetza bide berriak aztertzeko helburuarekin.
Bilera horretan parte hartu zuten Julio Calleja González doktorea, Fakultateko dekanoa; Maite Fuentes Azpiroz doktorea, Prácticum eta Gradu Amaierako Laneko dekanordeaa; Silvia Arribas Galarraga doktorea, Gorputz Hezkuntzaren Didaktikako katedraduna eta ERRONKA ikerketa-taldeko ikertzaile nagusia; eta Silvano Merced Len doktorea, unibertsitate kubatarraren errektorea.
Saioan zehar, bi erakundeetako Hezkuntza eta Kirol Graduaren ezaugarri akademiko eta egiturazkoak aurkeztu ziren, eta horrek bi erakundeen arteko lankidetza-aukerak identifikatzea ahalbidetu zuen. Gai nagusien artean, lankidetza akademiko eta ikertzailearen hitzarmen bat ezartzeko aukera aztertu zen, baita etorkizuneko irakasle eta ikasleen trukeak ere.
Bi aldeek konpromisoa hartu zuten hurrengo asteetan akordioen baldintzak berrikusteko, lankidetza egonkor eta emankor baten oinarriak ezarriz.
