Gaur egun arte, UPV/EHUko Ikasle Kontseilua ezezagun handia izan da Unibertsitateko ikasle guztientzat. Hori dela eta, agintaldi honetan, beste helburu batzuen artean, Ikasle Kontseilua ezagunagoa eta hurbilagoa izatea lortu nahi dugu. Horregatik, ezinbesteko iritzi diogu sare sozialetan agertu eta web atari hau eraikitzeari. Atariaren bitartez, gure jarduera guztien berri eta argibide interesgarriak jaso ahalko dituzu.

Horrez gain, aukera izango duzu Unibertsitateko egitura zein den eta UPV/EHUko organo bakoitzean zure ordezkariak nortzuk garen jakiteko, bai eta eskaintzen ditugun zerbitzuak ezagutzeko ere. Gainera, zerbitzuak informatizatzeko asmoa dugu, errazago erabil ahal ditzazun.

Bestalde, erabiltzaile-profil baten ordez, profil batzuk sortu ditugu; helburua unibertsitatean oraindik sartu ez zaren, unibertsitateko ikasketak egiten ari zaren ala unibertsitate ondoko ikasketak egiten diharduzun, zuri interesatzen zaizkizun datu guztiak biltzea izan da. Esperientzia-geletako ikasleak ere aintzat hartu nahi izan ditugu; haiek Unibertsitatera etortzeko xede bakarra dute: ikastea.

Espero dugu atari hau zuretzat erabilgarria izatea. Hala ere, zure iradokizunak bidaltzea eskertuko dizugu; horretarako, jar zaitez gurekin harremanetan edo erabil ezazu iradokizun-postontzia.

Agur bero bat,
UPV/EHUko Ikasle Kontseiluko Burua