• Deialdi ofizialak: 12 egun natural
• Partzialak, txostenak edo entregagarriak: 21 egun natural

Epe barruan argitaratuta ez badago, erreklamatu.

Graduko Ikasleen Ebaluaziorako Arautegiko 17. art.

Berrikuspen eta erreklamazio prozeduren barruan, azterketa zuzenduaren kopia eskuratzeko eskubidea duzu. Eskatu posta elektronikoz, irakasgaia, taldea, data eta eskuratu nahi den froga zein den adierazita.

Eskatzeko epe edo momentua:

• Behin irakasgaiaren behin-behineko kalifikazioa argitaratzen denean:
• Irakasgaiaren berrikuspenean.
• Behin-betiko aktan argitaratu ondorengo hiru egun naturalen baitan.

Kopia 3 egun naturalen baitan eman behar dizute; bestela, idaz ezaiozu dagokion Saileko zuzendariari eta berak eman beharko dizu, gutxienez, erreklamazioa aurkezteko epea amaitu baino hiru egun natural aurretik.

Kopia eman arte, ez da erreklamazioa aurkezteko dagoen 6 egun naturaleko epea martxan jarriko.

Kopia eman egin behar dizute, irakasleak egindako ohartxoak baldin badaude ere, baina ohartxook estali ditzakete, baldin eta horrek ez duen entregatu beharreko edukia aldatzen.

Zure posta korporatibora (@ikasle.ehu.eus) helarazi behar dute.

Kopia soilik berrikuspen- eta erreklamazio-prozeduretan erabil daiteke.

Irakasgaiko gainerako froga ebaluagarrien kopia ere eska dezakezu.

Ikasleen Arautegiko (IkAr) 2.34. art., Graduko Ikasleen Ebaluaziorako Arautegiko 18.2. art. eta UPV/EHUko Graduko eta Hezkuntza Berrikuntzako Errektoreordearen Instrukzioa, 2023ko abenduaren 22koa, Graduko ikasleriak ebaluazio-frogen kopia bat jasotzearen ingurukoa.

Lehenengo 15 minututan azterketara sar zaitezke halabeharrezko justifikazioa emanez. Ezin baduzu momentuan justifikatu, beranduago justifikatzea eskatu diezazukete.

Graduko Ikasleen Ebaluaziorako Arautegiko 11.2. art.

Berrikuspena kalifikazioak argitaratzen direnetik zenbatuta 3 eta 6 egun natural bitartean izan behar da. Arrazoi akademiko edo pertsonal justifikaturen bategatik ezin bazara joan, eskubidea duzu berrikuspena beste data batean izateko, betiere epe horren barruan.

Graduko Ikasleen Ebaluaziorako Arautegiko 18.1 eta 18.4. art.

Berrikuspena pertsonala eta bakarkakoa izan beharko da. Bertan, azterketa erakutsi eta kalifikazioaren arrazoia azaldu behar dizute. Behar bezalako azalpenik jaso ezean, dokumentatu eta kexa bat aurkez dezakezu.

Graduko Ikasleen Ebaluaziorako Arautegiko 18.2. art.

Ez, salbu eta irakasleak gaizki batu baditu atal bakoitzari emandako puntuazioak, baina ezin izango du atal bat berriro ebaluatu hasierakoa baino kalifikazio txarragoa emateko.

Ikasleen Arautegiko 2.34. art. (2. tartekia).

Azterketa baten erreklamazioa eska daiteke, baldin eta azterketa egin ondoren ez bazaude ados notarekin edo zuzentzeko moduarekin. Ikasle Kontseiluko kide bat erreklamazio horretan egotea eskatzeko eskubidea duzu, ebazpena bidezkoa dela defendatzeko.

Erreklamazioa egiteko, idazki bat bidali behar diozu saileko zuzendariari, sei eguneko epean, GAURen behin betiko oharra agertzen denetik hasita.

Zure nota berriarekin ados egon gabe jarraitzen baduzu, erreklamazio bat egin dezakezu Ikastegian. Zure nota jakinarazi eta 4 eguneko epean aurkeztu beharko duzu, zure Ikastegiko Zuzendariari idazki bat bidaliz.

Azkenik, gora jotzeko errekurtsoa jarri ahal izango duzu. Administrazio-errekurtso bat da, Errektoretzan jarri beharrekoa. Aurkezteko hilabeteko epea izango duzu.

Graduko Ikasleen Ebaluaziorako Arautegiko 22 eta 24. art.

Ez, ebaluazioa zure irakasleek landutako gaien gainean bakarrik egin ahal izango da, nahiz eta programan beste gai batzuk ere agertu.

Ikasleen Arautegiko 69.1. art. (2. tartekia).

Bai, probak zure errealitatera egokitzeko eskubidea duzu, baina edukia aldatu gabe eta gainerako ikaskideen data berean.

Horretarako, Ikastegiarekin, Sailarekin eta Desgaitasunak dituzten Pertsonentzako Zerbitzuarekin jarri behar zara harremanetan.

Ikasleen Arautegiko 69.2 art. eta Hezkuntza Premia Bereziak dituzten Ikaslei Aukera Berdintasuna bermatzeko Arautegiaren 3.5 eta 3.8 art.

Lehenik eta behin, ikus dezagun noiz jotzen den bat-etortzea dagoela:

• Ikasturte bereko irakasgaien azterketen artean: bi azterketen hasieren artean 24 ordu baino gutxiago daudenean.
• Ikasturte desberdineko irakasgaien azterketen artean, honako kasu hauetan:
  • Bien hasieraren artean 4 ordu baino gutxiago badaude.
  • Bataren amaieraren eta bestearen hasieraren artean 2 ordu baino gutxiago badaude.

Hori betetzen bada, data aldatzeko eska diezaiokezu irakasleari, gutxienez 15 egun natural lehenago.

Graduko Ikasleen Ebaluaziorako Arautegiko 6.4 eta 6.5. art.

Derrigorrezko bi irakasgai badira, maila gorenagoko irakasgaiaren irakasleak.

Aukerako bat eta derrigorrezko bat badira, aukerako ikasgaiaren irakasleak.

Graduko Ikasleen Ebaluaziorako Arautegiko 6.4. art.

Bai, ahozko azterketak publikoak dira eta graba zaitzazun eska dezakezu.

Graduko Ikasleen Ebaluaziorako Arautegiko 14. art.