Aukerak ikertzaileentzat

EHUk hainbat aukera eskaintzen ditu goi-mailako proiektu eta instalazioetan ikertzaile gisa lan egin dezazun, ospe handiko ikaskideekin eta zure karrerarekin Euskal Herriko ekoizpen zientifiko handieneko unibertsitatean jarraitzeko aukerekin. EHUk aldizka kontratatzen ditu ikertzaileak, gutxienez prozedura mota hauen bidez:

• Ikertzaileak kontratatzeko deialdiak

Doktoratu aurreko eta ondoko ikertzaileak kontratatzea, Ikerketako Errektoreordetzaren bidez (Ikerketa Kudeatzeko Zuzendaritza - Deialdiak).

Emaila: pre-postdoc.dgi@ehu.eus

• Marie Sklodowska-Curie Actions

Doktoratu aurreko eta ondoko langileak kontratatzea Ikerketa Errektoreordetzaren bidez (EHUrOPE - Nazioarteko I+G bulegoa).

Emaila: msca@ehu.eus

• Ikerbasque eta Science.eus deialdiak

Ikerbasque (Zientziarako Euskal Fundazioa, Eusko Jaurlaritzak Euskadin ikerketa zientifikoa sustatzeko sortua)

Science.eus Zientziaren ataria Euskadin

* EHUn ikerketa-egonaldiren bat egin nahi baduzu, harremanetan jar zaitezke zure jakintza arloari lotutako ikerketatalde edo zentroekin (EHUko kontaktuak). Zu hartzeko prest dagoen unitate bat aurkitzen duzunean, EHUko egonaldia formalizatu ahal izateko beharrezko izapideak egiten dituzula ziurtatu behar duzu. EHUk ikertzaileak hartzen ditu zentro, laborategi edo bestelako ikerketa-guneetan, gutxienez bi prozedura motaren bidez:

• Kanpoko langileen ikerketa-egonaldiak

EHUk ikertzaileen doktoratu aurreko eta ondoko egonaldiak hartzen ditu, jatorrizko zentroetan EHUko zentro, laborategi edo beste ikerketa-gune batzuetan kontratu bat edo antzeko kontratu bat, ordainsaria edo saria dutenak.

Egonaldi horiek Ikerketa Errektoreordetzaren (Ikerketa Kudeatzeko Zuzendaritza) bidez kudeatzen dira.

Emaila: convenios.dgi@ehu.eus

• Marie Skкodowska-Curie Actions

EHUk, Marie Skкodowska-Curie Actions programaren bidez, kontraturik gabeko doktoratu aurreko eta ondoko langileak hartzen ditu.

Egonaldi horiek EHUrOPE - Ikerketa Errektoreordetzaren Nazioarteko I+G Bulegoak kudeatzen ditu.

Emaila: msca@ehu.eus

* Beste unibertsitate batean matrikulatutako doktoregoko ikaslea bazara eta EHUn egonaldi bat egin nahi baduzu, EHUko doktorego-programa baten baitan egin dezakezu. EHUko Doktorego Eskola arduratuko da egonaldi horiek kudeatzeaz, "Bisitarien egonaldia (Incoming)" webguneko atalean.

Emaila: international.doke@ehu.eus

GARRANTZITSUA: Europar Batasuna, Norvegia, Islandia, Liechtenstein edo Suitza estatuetakoak ez diren eta 3 hilabetetik gorako egonaldiak egin nahi dituzten doktoregaientzat: Doktorego Eskolan egonaldia egitera datozen doktoregaiek "ikasle" estatus nagusia dute. Bisa lortzeko prozesua errazagoa da "ikaslea" izanda "ikertzailea" baino. Izan ere, doktoregaiak zuzenean izapidetu dezake ikasketengatiko/bisatuagatiko egonaldi-baimenaren eskaera, hasieratik amaierara; ikertzaileentzako egonaldi-baimena, berriz, EHUk eskatu behar du lehenik, eta, Espainiako agintari eskudunek baliozkotu ondoren soilik, ikertzaile interesdunak eska dezake baimena ematea.