Metodologia

Masterrak 60 kreditu ditu, irakaskuntza aldi batean (39 kreditu) eta ikerketa aldi batean (21 kreditu) banatuak. Irakaskuntza aldiko ikastaro guztiak hautazkoak dira, 15 ikastarotan eskainitako 73.5 ECTS kredituen artetik aukeratu beharrekoak.Ikastaroek (gehienak irakaskuntza intentsiboko 1-2 astekoak) hainbat bitarteko erabiltzen dituzte:* Eskola magistralak.* Laborategiko eskola praktikoak.* Ikasgelako praktikak.* Ordenagailu praktikak.* Mintegien prestakuntza.* Kasu praktikoak ebaztea.* Bisitak ikerguneetara.* Landa lana.Masterraren tesia egiteko, ikaslea ikertalde batean sartzen da, UPV/EHUkoa, elkartutako erakunde batekoa (NEIKER, GAIKER, AZTI, INIA) edo hitzarmen bereziz lotutako beste ikerketa zentro batekoa, masterreko irakasle baten abalarekin eta batzorde akademikoaren onespenarekin. Masterraren tesia ikerketa lan original bati zango da, 4-5 hilabetez egingo dena eta memoria idatzi modura aurkeztuko dena (~50 orrialde). Jendaurreko aurkezpena espreski izendatutako batzorde batek baloratuko du, aurrez ezarritako irizpide batzuen arabera.2011ko otsailetik aurrera, Plentziako Itsas Estazioa (PIE) erabiltzen da, ekipamendu espezifikoz hornituta dagoena masterraren irakaskuntza teoriko eta praktikorako.

Ebaluazioa

Ikastaroak:Gai bakoitza bereiz ebaluatuko da, webgunean eskura dauden fitxek ezarritakoaren arabera (Diseinua):* Ikastaroaren eduki teorikoei buruzko azterketa idatzia. * Mintegiak: lana idaztea eta jendaurrean aurkeztea.* Praktiken txostena.* Parte-hartze aktiboa (etengabeko ebaluazioa).Masterraren tesia:Alderdi hauek baloratuko dira:- Ikaslea nola aritu den ikertaldean. - Oinarrizko trebakuntza maila Master proiektuan erabilitako teknika espezifikoetan.- Ikerlan bat planifikatzeko, garatzeko eta praktikan jartzeko gaitasuna, kontuan izanik beti 4 hilabeteko epean egin behar izan dela.- Memoria zientifikoaren elaborazioa. - Eginiko lanaren aurkezpen publikoa eta haren inguruko eztabaida (harremana emaitza zientifikoen komunikazio, kritika eta hedapen prozedurekin).- Azken batean, ikasleak ikertzeko gaitasuna eskuratu duen baloratuko da; hots, doktorego tesiaren lanari edo jarduera profesional bati aurre egiteko gaitasuna, Ingurumen Kutsadura eta Toxikologia arloan ikertzaile gisa egin beharreko jarduera profesional bati ekiteko gaitasuna.