Ama Hizkuntzaren Nazioarteko Eguna 2024

Ama Hizkuntzaren Nazioarteko Eguna 2024

Lehenengo argitaratze data: 2024/02/21

Irudia

Otsailaren 21a Ama Hizkuntzaren Nazioarteko Eguna da. Hori dela eta, Munduko Hizkuntza Ondarearen Unesco Katedrak egitarau berezia prestatu du 2024ko eguna ospatzeko, eta, zehazki, Corporació Catalana de Mitjans Audiovisuals erakundearen eta Munduko Hizkuntza Ondarearen Unesco Katedraren artean sortutako animazioen aurkezpena egingo dugu.

Animazioak dagoeneko dituzue eskuragarri! Informazio guztia hemen.

Aurkezpena otsailaren 21ean izango da, 12:30-13:30 bitartean Arabako Campuseko pabiloian.

  • 12:30-12:40. Hizkuntza eta kultura aniztasuna. Amaia Izkue (Munduko Hizkuntza Ondarearen Unesco Katedra)
  • 12:40-12:50. Eguzkilorea (proeikzioa).
  • 12:50-13:00. TV3 eta UPV/EHUko MHO Unesco Katedraren arteko lankidetzea. Ines García-Azkoaga (UPV/EHUko Munduko Hizkuntza Ondarearen Unesco Katedra) eta Manuel Barrios Lucena (Una mà de Contes programako zuzendatia).
  • 13:00-13:10. El nen salmó (proiekzioa).
  • 13:10-13:20. Hizkuntza gutxituetara bikoiztea hiztun gazteekin Amaia Izkue (Munduko Hizkuntza Ondarearen Unesco Katedra)
  • 13:20-13:30 Eguzkilorea beste hizkuntza gutxitu batzuetan (proiekzioa).

Hizkuntza indigenak biziberritzeko esperientziak

Hizkuntza indigenak biziberritzeko esperientziak Bat Aldizkarian

Lehenengo argitaratze data: 2024/02/08

Irudia

Bat Soziolinguistikaren 129. zenbakian hizkuntza indigenak biziberritzeko esperientziak izan dituzte hizpide. Garabide elkartearekin lankidetzan sortutako artikuluetan, komunitate indigenek euren hizkuntzak biziberritzeko prozesuak landu dituzte.

Informazio gehiago hemen: https://soziolinguistika.eus/eu/2024/02/07/hizkuntza-indigenak-biziberritzeko-esperientzia-batzuk-bildu-ditu-bat-soziolinguistika-aldizkariak/

Bideo-animazioen aurkezpena

Bideo-animazioen aurkezpena

Lehenengo argitaratze data: 2024/02/06

Munduko Hizkuntza Ondarearen UNESCO Katedrak eta Corporació Catalana de Mitjans Audiovisualsek batera sortutako bideo-animazioen aurkezpen ofiziala Ama Hizkuntzaren Nazioarteko Egunean

Otsailaren 21ean, Ama Hizkuntzaren Naioarteko Egunean, Munduko Hizkuntza Ondarearen UNESCO Katedrak eta Corporació Catalana de Mitjans Audiovisualsek batera sortutako bideo-animazioen aurkezpen ofiziala izango dugu. Aurkezpen-ekitaldia 12:30ean izango da, Arabako Campuseko Unibertsitate Pabiloian, Nazioarteko Ikasleei ongietorria egiteko ekitaldiaren barruan.

Aurkeztuko dugun produktua mundu zabaleko ipuin herrikoietan oinarritutako 5 animazioen sorta bat da, euskaraz eta katalanez, eta otsailaren 21etik aurrera Katedrako webgunean izango dituzue ikusgai.

Laster informazio gehiago.

Carmen Junyet hil da

Carmen Junyet hil da

Lehenengo argitaratze data: 2023/09/05

Atzo, irailaren 3an, Carme Junyent hizkuntzalaria zendu zen. Hizkuntza aniztasunaren eta katalanaren aldeko militante nekaezina izan zen. 

Munduko hizkuntzei eta hizkuntza aniztasunari buruzko ikerketan aritzeaz gain, Mehatxutako Hizkuntzen Ikerketarako Taldearen (GELA) zuzendaria izan zen eta Creu de Sant Jordi saria jaso zuen 2019an.

2017an UPV/EHUko Munduko Hizkuntza Ondarearen UNESCO Katedrak (MHOUK)  Ohorezko Kide izendatu zuen Carme Junyent, izan ere asko da Katedra honek hizkuntza aniztasunaz eta orohar hizkuntza gutxituen arazo eta erronkak ezagutzeko egin duen lanagatik zor diona.

Te reo Maori hizkuntzari buruzko datu batzuk

Te reo Maori hizkuntzari buruzko datu batzuk

Lehenengo argitaratze data: 2021/11/22

Berri honetan azaltzen den moduan, maoriar gizartearen ia erdiak maorieraz hitz egiteko nolabaiteko gaitasuna du eta helduen artean, datuak ez hain onak izan arren, horien herena maoriera ulertzeko gai da.

Adinaren araberako datuak ere ematen dituzte esanez te reo maori hizkuntza gehien erabiltzen duten adintaldeak 15-22 urte bitartekoak eta 55 baino zaharragoak direla.

Maorierari buruzko informazio gehiago euskal Wikipediako esteka honetan.