FIEz Blai
- Jakintza adarra: Zientziak
- Campusa: Bizkaia
- Ikastegi antolatzailea: Zientzia eta Teknologia Fakultatea
- Graduak:
- Fisika
- Ingeniaritza Elektronikoa
- Gradu Bikoitza: Fisika + Ingeniaritza Elektronikoa
- Garapen-lekua (helbidea): Zientzia eta Teknologia Fakultatea. Sarriena auzoa, z/g. 48940 Leioa
Egutegia eta plazak
| Data | Hizkuntza | Txanda | Ordua | Plazak |
|---|---|---|---|---|
| 2026-01-13 | Euskara | Goizez | 9:30 – 13:00 | 18 |
| 2026-01-14 | Gaztelania | Goizez | 9:30 – 13:00 | 18 |
| 2026-01-15 | Euskara | Goizez | 9:30 – 13:00 | 18 |
Jardueraren deskribapen laburra
FIE en Acción-FIEz Blai ekimenaren helburua Batxilergoko ikasleak Fakultatera urtero modu aktiboan hurbiltzea da; horrela, ikasleek beraien eguneroko esperientziatik hurbil dauden zenbait praktika arrunt egingo dituzte, oro har zientzia eta teknologiarekiko duten erakarpena sustatzeko bide gisa. Horrez gainera, komunikazio-bide berri bat irekitzen da unibertsitateko eta bigarren hezkuntzako irakasleen artean. Egoera horrek, berriz, gure zereginak eta beharrak hobeto ezagutzeko aukera ematen digu, eta baliteke ikasleen sarbide-profila hobetzea ere. Funtsean, FIE en acción-FIEz Blai ekimenean proposatzen diren jarduerek bai Fisikan, Ingeniaritza Elektronikoan edo bien Gradu Bikoitzean interesa duten bigarren hezkuntzako ikasleen itxaropenak ase nahi dituzte.
Landuko diren gaiak/edukiak
- Difrakzioa eta argi-iturri desberdinen espektroak (CD/DVD baten bitartez espektroskopio bat eraikitzea; CD/DVD baten pisten neurriaren neurketa, eta abar).
- Mikrouhin-labea eta Faradayren Kaiola (uhin elektromagnetiko geldikorren eta haien abiaduraren analisia, “detektagailu” moduan urtzen diren gazta-xaflak erabilita; mikrouhin-labea Faradayren Kaiola moduan erabiltzea, labearen eremu elektromagnetikoaren eraginez, bonbillak piztea; etab.).
- Indukzio elektromagnetikoa (ikasleek motorrak eratuko dituzte, metal-harilkatze batekin, pila batekin eta iman batekin).
- Hutsarekin lotutako esperimentu samurrak eta askotarikoak: besteak beste, airean dauden objektuetan Arkimedesen bultzadak eragindako ondorioak ikusi ahal izango dira, eta baita Magdeburgoren hemisferioek egindako atmosfera-presioaren eragina, uhin mekanikoak hedatzeko euskarri materiala nola behar den grabitatearen azelerazioaren konstantzia, etab.
Egingo diren ekintzak
Saio bakoitzean 18 ikaslek hartuko dute parte, eta aipatutako praktiketako 3 gauzatu beharko dituzte (6 ikasle praktika bakoitzeko). Gainera, Fisika edo Ingeniaritza Elektronikoko ikerkuntzako laborategi bat bisitatuko da.